Ер ости дунёси: Тошкент метросининг параллел ритми — фотожамланма
Vaqt.uz фотомухбири Жавҳар Чоршанбиева пойтахт метросидаги параллел ҳаёт ва контрастларга тўла муҳитни объективга муҳрлади.
Тошкент шаҳрининг остида яна бир шаҳар яшайди. Унинг ўз вақти, ўз қонунлари ва тинимсиз оқаётган параллел ритми бор. Метрополитен — шунчаки манзилга элтувчи транспорт эмас, балки минглаб тақдирлар кесишадиган макондир. Вагондан вагонга кўчиб юрган нигоҳларда кунлик ташвишлар юки, ҳорғинлик ва чуқур ўйчанлик акс этади.
Аммо бу «кулранг» сукунатга ҳақиқий ранг ва жило бериб турувчилар ҳам бор. Булар – атрофга ўзгача ҳайрат билан боқаётган болакайлар, бир-бирига термулиб дунёни унутган бахтли жуфтликлар ва шаҳар шовқинидан панада ўз кичик оламини яратган оилалардир. Айнан улар ер остидаги ушбу дунёга тириклик ва илиқлик бағишлаб туради.
Vaqt.uz мухбири пойтахт метросидаги ана шу параллел ҳаёт ва контрастларга тўла муҳитни обективга муҳрлади.
Teglar
