2025 йилда энг йирик олтин захиралари рейтинги эълон қилинди: Ўзбекистон ҳам бор

2025 йил ҳолатига кўра, дунёдаги энг йирик олтин захираларига эга давлатлар рўйхати очиқланди. Жаҳон олтин кенгаши маълумотларига асосланган рейтинг глобал молия бозорларида олтиннинг аҳамияти янада кучайиб бораётганини кўрсатмоқда. Иқтисодий беқарорлик шароитида инвесторлар учун «хавфсиз паноҳ» ҳисобланган олтин давлатлар захира сиёсатида ҳам асосий воситалардан бири бўлиб қолмоқда.

Рейтингда биринчи ўринни 8133 тонна олтин захираси билан АҚШ эгаллади. Иккинчи ва учинчи ўринларда мос равишда Германия (3350 тонна) ва Италия (2452 тонна) жой олган. Франция (2437 тонна, 4-ўрин), Россия (2330 тонна, 5-ўрин) ва Хитой (2304 тонна, 6-ўрин) ҳам дунёдаги энг йирик олтин захираларига эга давлатлар қаторида қайд этилди.

Туркия ушбу рейтингда 641 тонна олтин захираси билан 10-ўриндан жой олди. Сўнгги йилларда амалга оширилган стратегик қарорлар натижасида мамлакат олтин захираларини 600 тоннадан оширишга муваффақ бўлди. Бу Туркияни Япония (846 тонна, 9-ўрин), Ҳиндистон (880 тонна, 8-ўрин) ва Швейцария (1040 тонна, 7-ўрин) каби йирик иқтисодиётлар билан бир қаторга қўйди.

Топ-10 ликдан сўнг Ўзбекистондан олдинга ўринларда Нидерландия (612 тонна), Полша (515 тонна), Еврозона (507 тонна), Тайван (424 тонна) ва Португалия (383 тонна) ўрин олган.

Аввалроқ эаҳон бозорларида олтин ва кумуш нархлари марказий банклар талаби ва АҚШда пул-кредит сиёсати юмшаши фонида 36 йиллик рекордларга яқинлашгани ҳақида хабар берган эдик.