Мирзиёев БМТ Бош котиби билан учрашди

Bugun 19:191 daqiqa

Бишкекда Шавкат Мирзиёев ва Антониу Гутерриш Ўзбекистоннинг БМТ билан ҳамкорлигини янада кенгайтириш масалаларини муҳокама қилди.

Ўзбекистон президенти Шавкат Мирзиёев Бишкекда ўтаётган Шанхай ҳамкорлик ташкилоти саммити доирасида БМТ Бош котиби Антониу Гутерриш билан учрашди.

Суҳбат аввалида Гутерриш Мирзиёев ва Ўзбекистон халқини мамлакат мустақиллигининг 35 йиллиги билан табриклаб, тинчлик-осойишталик, фаровонлик ва равнақ тилади.

Учрашувда Ўзбекистоннинг БМТ ва унинг институтлари билан кўп қиррали ҳамкорлигини янада кенгайтириш масалалари кўриб чиқилди. Мирзиёев Гутерришнинг икки томонлама муносабатларни ривожлантиришдаги шахсий ҳиссасини юқори баҳолади ҳамда БМТ тизимини ислоҳ қилишга қаратилган ташаббусларини қўллаб-қувватлашини билдирди.

БМТ билан ҳамкорлик

Томонлар фаол сиёсий мулоқот, ўзаро ташрифлар ва Ўзбекистоннинг БМТнинг сайланадиган органларидаги иштироки кенгайиб бораётганини қайд этди. Сўнгги йилларда Ўзбекистон ташаббуси билан БМТ Бош Ассамблеясининг 15 та резолюцияси қабул қилинган.

Гутерриш Ўзбекистоннинг Барқарор ривожланиш мақсадларини амалга оширишдаги ютуқларини олқишлади. Ушбу йўналишдаги ҳамкорликни янада фаоллаштиришга тайёрлик билдирилди.

Мулоқотда халқаро ва минтақавий кун тартибининг долзарб масалалари юзасидан фикр алмашилди. Шунингдек, Ўзбекистон ва БМТнинг бўлажак қўшма тадбирлари режаси муҳокама қилинди.

Teglar

БМТ Антониу Гутерриш Шавкат Мирзиёев

Mavzuga oid

26.08.2026 | 14:20

Шавкат Мирзиёев: Ўзгаришларнинг ҳақиқий муаллифи меҳнаткаш ва олийжаноб халқимиз

Президент Кўксарой қароргоҳида Ўзбекистон мустақиллигининг 35 йиллиги муносабати билан давлат мукофотларини топширди.

29.08.2026 | 19:15

Моди Ўзбекистонга келди

Аэропортда уни президент Шавкат Мирзиёев кутиб олди.

26.08.2026 | 15:10

Давлат мукофотини олган ҳар бир инсоннинг меҳнати ва кўрсатган жасорати алоҳида эътирофга муносиб — Президент

Шавкат Мирзиёев мукофотланганлар орасида ислоҳотларни қўллаб-қувватлаб, юртимизга катта-катта сармоя ва замонавий технологияларни олиб келаётган хорижлик ҳамкорлар борлигини қайд этиб, уларга ҳам миннатдорлик билдирди.

28.08.2026 | 11:54

«Тарихий адолат тикланмоқда». Президент ноҳақ қатағон қилинганлар номини оқлаш ишлари давом эттирилишини айтди

Шавкат Мирзиёев 1983-1990-йилларда «пахта иши», «ўзбек иши» деган сохта айбловлар билан сиёсий қатағонга учраган ватандошлар номини оқлаш ва тарихий адолатни тиклаш борасидаги эзгу ишлар изчил давом эттирилишини маълум қилди.

Bugun 18:27

Шавкат Мирзиёев Бишкекда Си Жинпинг билан учрашди

Ўзбекистон ва Хитой раҳбарлари савдо, инвестиция, энергетика ҳамда транспорт соҳаларидаги ҳамкорликни кенгайтиришнинг янги йўналишларини муҳокама қилди.

27.08.2026 | 20:29