Хивадаги «Қовун сайли» фестивали Гиннес рекордлари китобига киритилди

Bugun 09:401 daqiqa

Хивада ўтказилган «Қовун сайли» фестивалида 259 киши бир вақтда 10 дан ортиқ қовун навини татиб кўриб, Гиннес рекордлар китобига кирди.

Хивадаги «Қовун сайли» фестивали Гиннес рекордлари китобига киритилди

7–9-август кунлари Хивадаги «Ичан қалъа» ва «Арда Хива» мажмуаларида «Қовун сайли» фестивали бўлиб ўтди. Туризм қўмитаси ва Хоразм вилояти ҳокимлиги ҳамкорлигида ташкил этилган фестивалга 186 минг нафар меҳмон ташриф буюрди. Улар орасида 150 минг маҳаллий ва 36 минг хорижий сайёҳ бор.

Фестивалнинг асосий воқеаси 9-август куни қайд этилган «Энг катта қовун дегустатцияси» бўйича жаҳон рекорди бўлди. Гиннес рекордлар китоби расмий сертификатига кўра, 259 киши бир вақтда 10 дан ортиқ қовун навини татиб кўрган. Рекордни тасдиқлаш жараёнида Гиннеснинг Туркия ва Марказий Осиё бўйича расмий ҳаками Шейда Субаши Гемижи иштирок этди.

Фестиваль дастури

Тадбир давомида санъаткорлар чиқишлари, маҳорат дарслари, кўргазмалар ва танловлар ташкил этилди. Фестивалнинг ёпилиш маросимида россиялик хонанда МакСим ҳам иштирок этди.

Фестивалда Хоразм вилояти туманлари, фермер хўжаликлари ва бошқа иштирокчилар қовуннинг ўнлаб навлари, маҳаллий маҳсулотлар, технологиялар ва қишлоқ хўжалигидаги ютуқларини намойиш қилди.

Тадбир якунида бош соврин Хива шаҳар ҳокимлигига берилди. Янгиариқ тумани ҳокимлиги биринчи, Хоразм вилояти Қишлоқ хўжалиги бошқармаси иккинчи ўринни эгаллади.

Учинчи ўрин Урганч давлат университети, УзАуто'нинг Хоразм филиали ва Автомобиль йўллари қўмитасининг Хоразм вилояти бошқармасига насиб этди.

Teglar

Туризм Қовун Хоразм Хива Фестиваль Гиннес

Mavzuga oid

Kecha 21:43

«Адолатга етолмаяпмиз»: фуқаролар Олий суд раисига мурожаат қилди

Тошкентда Олий суд, Судялар олий кенгаши ҳамда Тошкент судлари раҳбарлари иштирокида сайёр қабул ўтказилди. Унда фуқаролар суд қарорларидан норозилигидан тортиб, мерос ва уй-жой низоларигача бўлган муаммоларини айтди. Айрим мурожаатчилар бир неча йилдан бери судма-суд юраётганини билдирди.

Kecha 12:15

«Автомобилсиз кун»да автомобил минган мансабдорлар жавобгарликка тортилади

10 август, бугун Ўзбекистонда «Автомобилсиз кун» акцияси ўтказилади.

Kecha 22:37

Коррупция бўйича олдинда бораётган Андижон, сертификатсиз ишлаши тақиқланган риэлторлар ва автомобил минган мансабдорларга жазо — 10 август дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Kecha 17:09

Ўзбекистонда риэлторлар фаолиятини тартибга солувчи қонун қабул қилинди

Янги қонунга кўра, риэлторлар малака сертификатига эга бўлиши ва фақат риэлторлик ташкилоти таркибида ишлаши мумкин. Ташкилотлар эса Ягона реестрга киритилгандан кейингина фаолият бошлайди.

Kecha 16:28

ТОП-9: Тошкентдаги энг қиммат ва оммабоп хусусий мактаблар

Охирги беш йилда Ўзбекистонда хусусий мактаблар сони қарийб 4,5 баробарга ошди. Бозорга янги ўйинчилар кириб келиши ва рақобат кучайиши эса нархларни ҳам кескин ўзгартириб юборди: бугун пойтахтда ойига 5,6 млн сўм оладиган мактабни ҳам, ойлик тўлови ҳатто 32 млн сўмдан ошадиган «элитар» масканларни ҳам учратиш мумкин. Vaqt.uz мухбири мамлакатдаги хусусий таълим бозори, нарх омиллари ва энг қиммат мактаблар рейтингини таҳлил қилади.

Kecha 17:35

Йирик корхоналарнинг ярми фойдаси билан кредит фоизларини қоплай олмаяпти — Марказий банк

Молиявий барқарорлик шарҳида келтирилишича, мамлакатдаги йирик компанияларнинг 51 фоизида солиқлардан олдинги фойда қарзлар бўйича фоиз харажатларини қоплашга етмайди.