1 ноябрдан бизнеснинг электр ва газга олдиндан тўлови 15 фоизга туширилади

Bugun 20:572 daqiqa

Бу қоида автоматлаштирилган ҳисобга олиш тизимларига уланган ҳамда масофадан ўчириш ёки ёқиш имкониятига эга ҳисоблагичи бор тадбиркорлик субъектларига нисбатан қўлланади.

1 ноябрдан бизнеснинг электр ва газга олдиндан тўлови 15 фоизга туширилади

Ўзбекистонда 2026 йилнинг 1 ноябридан бошлаб тадбиркорлик субъектлари учун электр энергияси ва табиий газ бўйича мажбурий олдиндан тўлов миқдори 15 фоиз этиб белгиланади. Бу ҳақда Президентнинг тадбиркорлар харажатларини камайтиришга қаратилган янги фармонида маълум қилинди.

Кимларга татбиқ этилади ва истиснолар

Янги тартиб фақатгина замонавий ҳисоблагичларга эга бўлган бизнес вакиллари учун амал қилади.

«Электр энергиясини ҳисобга олиш ва назорат қилишнинг автоматлаштирилган тизимига (ЭҲНАТ) ҳамда Табиий газ назорати ва ҳисобининг автоматлаштирилган тизимига (ТГНҲАТ) уланган, масофадан ўчириш (ёқиш) имкониятига эга ҳисоблагичи бўлган тадбиркорлик субъектлари томонидан электр энергияси ва табиий газнинг ойлик истеъмоли учун олдиндан тўланадиган ҳақ миқдори 15 фоиз этиб белгилансин», — дейилади расмий ҳужжатда.

Шу билан бирга, сўнгги икки ой давомида тўлов интизомига риоя қилмаган истеъмолчилар ушбу имтиёздан мустасно эканлиги таъкидланган.

Ёзма ҳисоботлар ва қоғоз шартномалар бекор қилинмоқда

Фармонга кўра, соҳадаги бюрократик тўсиқларни камайтириш мақсадида тадбиркорлар учун бир қатор мажбуриятлар бекор қилинмоқда.

Маълум қилинишича, электр энергияси ва газ сарфи тўғрисидаги ёзма ҳисоботларни ҳудудий электр ва газ таъминоти корхоналарига топшириш мажбурияти тўлиқ бекор қилинган.

Бундан ташқари, тизимда шаффофликни таъминлаш ва жараёнларни рақамлаштириш орқали қоғозбозликка чек қўйилади.

Истеъмолчиларни электр энергияси ва табиий газ билан таъминлаш бўйича хизматлар кўрсатиш шартномаларини электрон тузиш орқали уларни қоғозда расмийлаштириш тартиби бекор қилинади.

Teglar

табиий газ тадбиркорлик олдиндан тўлов электр энергияси 15 фоиз қонунчиликдаги янгиликлар бизнес харажатлари янги фармон.

Mavzuga oid

Kecha 20:10

«Океанлар бизни Ватандан ажратолмайди» — АҚШ ва Канададаги ватандошлардан Президент номига самимий мурожаат

«Vatan Global Alliance» ташкилоти ҳамда АҚШ ва Канададаги фаол ватандошлар Ўзбекистон Республикаси Президентига мурожаат йўллаб, мамлакатимизда кечаётган кенг кўламли ислоҳотларни тўлиқ қўллаб-қувватлашларини маълум қилди.

Bugun 11:54

«Тарихий адолат тикланмоқда». Президент ноҳақ қатағон қилинганлар номини оқлаш ишлари давом эттирилишини айтди

Шавкат Мирзиёев 1983-1990-йилларда «пахта иши», «ўзбек иши» деган сохта айбловлар билан сиёсий қатағонга учраган ватандошлар номини оқлаш ва тарихий адолатни тиклаш борасидаги эзгу ишлар изчил давом эттирилишини маълум қилди.

Kecha 18:34

Ўзбекистон иқтисодиёти ярим йилда 8,5 фоизга ўсди

Ярим йилда Ўзбекистон ялпи ички маҳсулоти 8,5 фоизга ўсди. Шунга қарамай, президент Шавкат Мирзиёев иқтисодиёт йилига 9–10 фоиз ўсиши кераклигини таъкидлади. Марказий банк эса иқтисодиётдаги юқори фаолликни ҳисобга олиб, йил якунидаги ўсишни 7,5–8 фоиз атрофида прогноз қилмоқда. Vaqt.uz юқори иқтисодий ўсишга нима сабаб бўлаётгани ва унинг аҳоли ҳаётида қандай акс этаётганини таҳлил қилди.

Bugun 19:18

Ўзбекистон мустақиллигининг 35 йиллигида Шавкат Мирзиёев Ислом Каримовни ёдга олди

Ўзбекистон Республикаси давлат мустақиллигининг 35 йиллигига бағишланган тантанали маросимда Президент Шавкат Мирзиёев нутқ сўзлаб, атоқли давлат ва сиёсат арбоби, Биринчи Президент Ислом Каримовнинг ёрқин хотирасини эҳтиром билан ёдга олди. Шунингдек, давлат раҳбари мамлакатнинг тарихий илдизлари, жадидлар мероси ва сўнгги йиллардаги ислоҳотлар ҳақида тўхталиб ўтди. Бу ҳақда Президент матбуот хизмати хабар берди.

Bugun 16:27

Ойликнинг 150 бараваригача: хизмат вақтида ҳалок бўлган ходимлар оиласига қандай имтиёзлар бор?

Ўзбекистонда хизмат вазифасини бажариш чоғида ҳалок бўлган ички ишлар органлари ходимларининг оилаларига давлат томонидан бир марталик нафақа, боқувчисини йўқотганлик пенсияси ва бошқа ижтимоий кафолатлар берилади. Vaqt.uz амалдаги қонунчиликни ЙПХ ходимлари мисолида ўрганиб, қандай тўлов ва имтиёзлар берилишини таҳлил қилди.

Bugun 19:34

Ўзбекистон мустақиллигининг 35 йиллигига бағишланган олтин ва кумуш эсдалик тангалари сотувга чиқарилди

Мазкур эсдалик тангалари 999,9 асиллик даражасидаги соф олтин ва соф кумушдан тайёрланган бўлиб, уларнинг ҳар бирининг вазни 31,1 граммни ташкил этади.