120 ming dollar qalbaki pullarni sotmoqchi bo‘lganlar qo‘lga olindi

Bugun 16:371 daqiqa

Toshkent va Navoiy viloyatlarida bir guruh shaxslar 100 AQSH dollari kupyuradagi qalbaki 120 ming dollarni muomalaga chiqarishga harakat qilgan.

120 ming dollar qalbaki pullarni sotmoqchi bo‘lganlar qo‘lga olindi

Toshkent va Navoiy viloyatlarida qalbaki pul sotmoqchi bo‘lganlar qo‘lga olindi. Bu haqda Bosh prokuratura huzuridagi Departament axborot xizmati xabar berdi.

Ma’lumotlarga ko‘ra, Toshkent viloyatining Angren shahrida Bosh prokuratura huzuridagi Departament hamda boshqa huquqni muhofaza qiluvchi organlar xodimlari tomonidan tezkor tadbir o‘tkazilgan.

Tadbir davomida muqaddam sudlangan M.Yu., shuningdek M.A. va Z.A. ismli fuqarolar fuqaro A.D.ga 100 dollarlik kupyuralardagi qalbaki 80 ming AQSH dollarini 40 ming dollarga sotgan vaqtda qo‘lga olingan. Huquqni muhofaza qiluvchi organlar ularni ashyoviy dalillar bilan ushlagan.

Shuningdek, Navoiy viloyatida o‘tkazilgan tezkor tadbir davomida fuqaro I.Q. yana bir fuqaroga 40 ming AQSH dollari miqdoridagi qalbaki pullarni sotishga uringani aniqlangan. U qalbaki pullarning 10 ming AQSH dollari miqdoridagi qismini sotayotgan vaqtida qo‘lga olingan.

Mazkur holatlar yuzasidan Jinoyat kodeksining 168-moddasi (firibgarlik) hamda 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) bilan jinoyat ishlari qo‘zg‘atgan. Hozirda tergov harakatlari davom ettirilmoqda.

Eslatib o‘tamiz, avvalroq Namangan viloyati Chortoq tumanida ham xuddi shunday holat sodir bo‘lgan edi.

Teglar

firibgarlik Navoiy dollar tergov Angren Departament

Mavzuga oid

Kecha 22:09

Islom sivilizatsiyasi markaziga ikki oyda yarim million sayyoh tashrif buyurdi

Prezident huzuridagi taqdimotda aytilishicha, 1-iyun holatida markazning kunlik tashrifchilar soni o‘rtacha 6 ming nafarni tashkil etgan.

Bugun 08:00

Qarshida huquq faoli qiynoqqa uchragani aytilmoqda

Abdurahmon Tashanovning yozishicha, Javohir Mo‘minov Qarshi shahar ichki ishlar boshqarmasida boshiga qop kiydirilgan holda kaltaklangan va qiynoqqa solingan.

Kecha 21:20

Bosh reja va master-rejalar o‘zaro integratsiya qilinadi

Prezident bosh rejalar va master-rejalarni raqamlashtirish, “Uy-joy” yagona platformasini ishga tushirish, ulushli qurilishda fuqarolar huquqlarini himoya qilish, eskrou mexanizmlarini joriy etish hamda renovatsiya sohasida aniq va adolatli tartiblarni shakllantirish bo‘yicha topshiriqlar berdi.

Bugun 11:25

O‘zbekiston va Shvetsiya migratsiya bo‘yicha ikki muhim hujjatni imzoladi

O‘zbekiston va Shvetsiya mehnat migratsiyasi, akademik almashuvlar hamda qonuniy mobillikni rivojlantirishga qaratilgan yangi kelishuvlarni imzoladi.

Bugun 10:16

TIV O‘zbekiston terma jamoasi futbolchilari tekshirilgani yuzasidan AQSHdan izoh so‘radi

AQSHda O‘zbekiston terma jamoasi a’zolarining o‘rtoqlik uchrashuvi oldidan O‘zbekiston terma jamoasi futbolchilari va murabbiylari qat’iy xavfsizlik tekshiruvidan o‘tkazilgan edi. Tashqi ishlar vazirligi holat yuzasidan Vaqt.uz'ga munosabat bildirdi.

Kecha 13:15

Haftalik narxlar: qaysi mahsulot arzonladi, qaysi oshdi?

Go‘sht mahsulotlari qimmatlashishda davom etayotgan bir paytda, sabzavot va mevalarda mavsumiy arzonlashuv kuchaymoqda. Shu bilan birga, mol go‘shtining eng yuqori narxi Toshkent shahri va Jizzax viloyatida qayd etilgan bo‘lsa, eng arzon narx Qoraqalpog‘istonda kuzatildi.