2026-yilning mart oyi uchun «Palov indeksi» ma’lumotlari e’lon qilindi

Milliy statistika qo‘mitasi 2026-yilning mart oyi uchun hududlar kesimida bir kilogramm palov tayyorlash uchun sarflanadigan mablag‘ miqdori haqidagi ma’lumotlarni e’lon qildi.

Hisob-kitoblarga ko‘ra, eng yuqori ko‘rsatkich Toshkent shahrida, eng past ko‘rsatkich esa Qoraqalpog‘iston Respublikasida qayd etilgan.

Hududlar kesimida hisoblangan qiymatlari quyidagicha:

• Qoraqalpog‘iston Resp. – 99 973 so‘m

• Andijon viloyati – 108 169 so‘m

• Buxoro viloyati – 110 836 so‘m

• Jizzax viloyati – 111 556 so‘m

• Qashqadaryo viloyati – 113 936 so‘m

• Navoiy viloyati – 112 911 so‘m

• Namangan viloyati – 110 958 so‘m

• Samarqand viloyati – 115 821 so‘m

• Surxondaryo viloyati – 113 661 so‘m

• Sirdaryo viloyati – 106 589 so‘m

• Toshkent viloyati – 115 026 so‘m

• Farg‘ona viloyati – 117 627 so‘m

• Xorazm viloyati – 109 457 so‘m

• Toshkent shahri – 119 989 so‘m.

Statistik hisob-kitoblarda bir kilogramm palov uchun quyidagi mahsulotlar va miqdorlar asos qilib olingan:

• kungaboqar yog‘i – 0,3 l

• piyoz – 300 gr

• mol go‘shti – 700 gr

• sabzi – 1 kg

• guruch – 1 kg

• no‘xat – 100 gr

• zira – 10 gr

• osh tuzi – 20 gr.

Eslatib o‘tamiz, keltirilgan qiymatlar palov tayyorlash uchun zarur mahsulotlar narxi asosida hisoblangan bo‘lib, ular hududlarda sotilayotgan bir kilogramm palov narxini ifodalamaydi.