«Achinarli vaziyat»: «O‘zbekneftgaz» «favqulodda holat» e’lon qildi

O‘zbekistonda neft bazalari faoliyatidagi tizimli muammolar, ulkan qarzdorlik va boshqaruvdagi kamchiliklar tahlil natijasida sohani sog‘lomlashtirish bo‘yicha «favqulodda holat» e’lon qilindi. Bu haqda «O‘zbekneftgaz» AJ Boshqaruv raisi A. Sanginov boshchiligida o‘tkazilgan tanqidiy yig‘ilishda ma’lum bo‘ldi.

Yig‘ilishda eng og‘riqli masala sifatida 2026 yil 1-yanvarga kelib 322,5 milliard so‘mga yetgan debitor qarzdorlik muammosi ko‘tarilgan. Qayd etilishicha, ushbu qarzning 75 foizi yoki 243,2 milliard so‘mi qishloq xo‘jaligi korxonalari hissasiga to‘g‘ri keladi.

«Eng achinarlisi qishloq xo‘jaligi korxonalariga berilgan 243,2 mlrd so‘mlik qarzdorlikning 158 mlrd so‘mi (65 foizi) umidsiz qarzdorlikka aylangan», - deyiladi kompaniya xabarida.

Qo‘shimcha qilinishicha, aksariyat neft bazalarida mavjud sig‘imlardan samarali foydalanilyapti, ayrim ob’ektlar bo‘sh turgani oqibatida ortiqcha xarajatlar yuzaga kelmoqda va bu daromadga ta’sir qilmoqda.

Yig‘ilishda yer uchastkalarini konservatsiya qilish bo‘yicha aniq topshiriqlar berigan. Neft baza rahbarlarining qo‘shimcha daromad manbalarini izlashga yetarlicha tashabbus ko‘rsatmagani, boqimandalik kayfiyati saqlanib qolgani ham salbiy holat sifatida baholangan.

O‘g‘irlik va noqonuniy faoliyatni keskin kamaytirish uchun raqamlashtirish bo‘yicha eng yaxshi xalqaro amaliyotlarni o‘rganish va milliy modelni joriy etish taklif qilingan. Shu munosabat bilan raqamli boshqaruvni joriy etish bu sohada yagona samarali yechim ekani ta’kidlangan.

2026 yil uchun belgilangan vazifa barcha neft bazalarini to‘liq avtomatlashtirish va ularni «O‘zbekneftegaz» MXKning Markaziy ishlab chiqarish va dispetcherlik markazi monitorlari bilan integratsiya qilish dasturini ishlab chiqishdan iborat.

Bundan tashqari, neft bazalaridagi muvofiqlik bo‘yicha xodimlarning faoliyati qoniqarsiz deb baholangan. Kelajakda har bir xodimning KPI depoda aniqlangan qoidabuzarliklar asosida aniqlangan.

«O‘zbekneftegaz» kompaniyasining ma’lum qilishicha, hozirgi vaziyatni hisobga olgan holda, «Joriy 100 kun» tadbirlari doirasida neft bazalarida ham favqulodda holat e’lon qilingan.

Shuningdek, ularni sog‘lomlashtirish bo‘yicha shoshilinch, keng qamrovli dastur ishlab chiqish to‘g‘risida qaror qabul qilindi. Ushbu dastur o‘g‘irlikning oldini olish, soliq yukini kamaytirish, savdo hajmini oshirish va debitorlik qarzlarni to‘lashga qaratilgan bo‘ladi.

Eslatib o‘tamiz, «O‘zbekneftgaz» boshqaruv raisi Termiz, Jizzax, Maroqand hamda Kuchlik neft bazalari rahbarlarini yo‘l qo‘ygan jiddiy kamchiliklari uchun lavozimlaridan ozod etgani haqida xabar bergan edik.