Аҳоли мурожаатларини ҳал қилмаган 151 мансабдор ишдан олинди

Bugun 12:252 daqiqa

Саккиз ойда мурожаатлар билан ишлашда камчиликка йўл қўйган ходимларига чора кўриш бўйича давлат ташкилотларига 5 минг 486 та ҳужжат киритилган.

Аҳоли мурожаатларини ҳал қилмаган 151 мансабдор ишдан олинди

2026-йил январ–август ойларида аҳоли мурожаатларини ҳал этишда камчиликка йўл қўйган 151 нафар давлат ходими лавозимидан озод этилди. Бу ҳақда Президент Халқ қабулхоналари матбуот хизмати маълум қилди.

Таҳлилларга кўра, саккиз ой давомида мурожаатлар билан ишлашда камчиликка йўл қўйган ходимларга чора кўриш бўйича давлат ташкилотларига 5 минг 486 та ҳужжат киритилган.

Натижада вазифаларини етарли даражада бажармаган 151 нафар шахс ишдан бўшатилган. Яна 833 нафар ходимга ҳайфсан берилган.

Шунингдек, 150 нафар ходим маъмурий жавобгарликка тортилган, 1335 нафари расман огоҳлантирилган. Фаолиятидаги камчиликлар учун 89 киши жаримага тортилган, 8 нафар ходимнинг лавозими пасайтирилган.

Қайси соҳаларда кўп?

Президент Халқ қабулхоналари таҳлилида айрим соҳаларда аҳоли мурожаатлари билан ишлашда камчиликлар кўпроқ кузатилгани қайд этилди.

Хусусан, бандлик, маҳалла, Мажбурий ижро бюроси, соғлиқни сақлаш, прокуратура, ижтимоий ҳимоя ва энергетика тизимларида масъуллар томонидан энг кўп хато ва камчиликларга йўл қўйилган.

Мурожаатлар бўйича киритилган ҳужжатлар нафақат айбдор ходимларга чора кўриш, балки тизимдаги муаммоларни бартараф этишга ҳам қаратилган.

Шу мақсадда мурожаатлар сони юқори бўлган 10 га яқин ташкилотда амалий ўқув семинарлари ташкил этилган. Уларда мурожаатлар билан ишлаш тартиби ва йўл қўйилаётган хатоларни бартараф этиш масалаларига эътибор қаратилган.

Президент Халқ қабулхоналари аҳоли мурожаатлари асосида масъулларга чора кўриш билан бирга, уларнинг келиб чиқишига сабаб бўлаётган тизимли камчиликларни аниқлаш ва бартараф этиш ишларини ҳам олиб бормоқда.

Teglar

мурожаатлар давлат Халққабулхонаси ҳайфсан жавобгарлик мансабдорлар

Mavzuga oid

Bugun 07:55

Ўзбекистонликлар Таиланд визаси учун Москвага бормасдан ариза топшириши мумкин

15-сентабрдан Ўзбекистон фуқаролари Таиландга кириш учун виза расмийлаштириши керак бўлади. Туристик визани Thai E-Visa тизими орқали расмийлаштириш мумкин, консуллик йиғимини эса Тошкентдаги воситачи компания орқали тўлаш имконияти бор.

Kecha 11:22

Шавкат Мирзиёев рафиқаси ҳамроҳлигида давлат ташрифи билан Жанубий Кореяга етиб борди

Давлат раҳбари ташрифнинг биринчи кунида Кореяда ишлаётган ва таҳсил олаётган ўзбекистонликлар билан учрашди. Ташриф давомида Корея президенти Ли Чже Мён билан музокаралар ва биринчи «Марказий Осиё — Корея» саммитида иштирок этиш режалаштирилган.

12.09.2026 | 18:00

Ҳали кирилл имлосидан тўлиқ воз кечишга улгурмай, Ўзбекистонда алифбо янгиланиш арафасида. Ота-оналар қўлида плакат кўтариб вазирликка йиғилди, мактабда 9 ёшли болага магнит юттирилди. Сенат янги алифбони тасдиқлади.

Ҳафта давомида содир бўлган воқеалар билан Vaqt.uz’да танишинг.

12.09.2026 | 23:37

Алиментни ойлик даромадга қараб ҳисоблаш тартиби бекор қилиниши мумкин

Қонунчиликка кўра, расмий даромад олувчилар ҳам, норасмий ишлайдиган шахслар ҳам алиментни ўз ойлик даромадидан келиб чиққан ҳолда тўлайди. Бунда 1 бола учун — иш ҳақининг тўртдан бир қисми, 2 фарзанд учун — учдан бир қисми ва 3 ва ундан ортиқ бола учун — иш ҳақининг ярми ундирилади.

Kecha 10:02

Бизнесни рўйхатга олиш 15-октябрдан бошланади

Ўзбекистонда бизнес яна бир бор рўйхатга олинади. Президент фармонига кўра, тадбиркорлик субъектларини рўйхатга олиш 15-октябрдан 30-ноябргача ўтказилади, 2027-йил охиригача аҳолининг статистик регистри шакллантирилади.

12.09.2026 | 15:50

2027-йилда Тошкентга 10 млрд доллар инвестиция жалб қилинади

Жорий йилда пойтахтнинг 12 та тумани бўйича 9 миллиард доллар инвестиция жалб қилиш режалаштирилган. Тошкент шаҳридаги 100 та кўчани комплекс янгилаш учун 1 триллион сўм ажратилган. Шунингдек, 400 та маҳаллани «Қичқириқ» намунаси асосида обод қилиш бўйича 4 йилга мўлжалланган 10 триллион сўмлик дастур ишлаб чиқилади. Пойтахтда бизнес бошламоқчи бўлган тадбиркорлар учун гаровсиз кредит лимити 100 миллион сўмдан 200 миллион сўмга оширилади.