AI-80 bir kunlik pasayishdan so‘ng yana rekord darajada qimmatladi

O‘zbekiston tovar-xomashyo birjasida 15 iyul kungi savdolarda AI-80 benzinning tonnasi 281,7 ming so‘mga qimmatlashdi. Bu tarixiy rekord hisoblanib, bir tonna uchun umumiy narx 10 mln 273,9 ming so‘mga yetdi. Bu — faqat kechagi bir kunlik pasayishdan keyin kuzatilgan o‘ta keskin o‘sishdir. Ma’lumotlarga ko‘ra, AI-80 benzin narxi so‘nggi bir yilda 14,7 foizga, ikki yilda esa 47,5 foizga oshgan. Solishtirish uchun, rasmiy inflyatsiya mos ravishda 8,7 va 20,2 foizni tashkil etgan. Ya’ni, benzin narxi mamlakatdagi o‘rtacha inflyatsiya sur’atidan ikki baravar ko‘proq o‘sgan. E’tiborlisi, AI-80 nefti import qilinmaydi. Shu bilan birga, bunga mos markadagi jahon neft kotirovkalari oxirgi ikki yilda 18 foizga arzonlashgan. Shu holatda mahalliy narxlarning to‘xtovsiz o‘sishi sun’iy ta’sirlar, monopoliya va samarasiz bozor nazorati bilan bog‘liq ekani haqida fikrlar yangramoqda.