Amaldorlar buncha dabdabali to‘ylarini qaysi puliga qilmoqda?
Dastur davomida Savdo sanoat palatasi raisi Davron Vahobov, Bosh vazir o‘rinbosari, Iqtisodiyot va Moliya vaziri Jamshid Qo‘chqorov hamda Madaniyat vaziri Ozodbek Nazarbekovning qizlari uchun o‘tkazgan dabdabali to‘ylari tanqidiy tahlil qilindi.
O‘zbekistonda to‘ylar hamda boshqa oilaviy tadbir va marosimlarni ixchamlashtirish yo‘lida yana bir, hisob bo‘yicha beshinchi urinish. Bu safargi harakatlarga esa rasman “maromiylik” deya nom berildi.
O‘zbek to‘ylari va uni ixchamlashtirishga urinayotgan hukumat, hukumatga kamarbasta jamoat tashkilotlari, ular boshlagan tadbirlar-u, bunga odamlarning munosabatini tushunish, tahlil qilishga zarurat sezib, navbatdagi suhbatimizga adabiyotshunos Zuhriddin Isomiddinov va jamiyatshunos Abdug‘ani Xolbekovni taklif qildik.
Dastur davomida mehmonlar bilan jamiyatda to‘y va marosimlarni ixchamlashtirish harakatlari ketayotganiga qaramay, amaldorlar tomonidan o‘ta dabdabali to‘y o‘tkazish hamon davom ettirilayotgani, jumladan, Savdo sanoat palatasi raisi Davron Vahobov, Bosh vazir o‘rinbosari, Iqtisodiyot va Moliya vaziri Jamshid Qo‘chqorov hamda Madaniyat vaziri Ozodbek Nazarbekovning qizlari uchun o‘tkazgan to‘ylari masalasi tanqidiy tahlil qilindi.
Teglar
