AQSH Ta’lim vazirligi ijara qarzi bo‘lganlardan pensiya pullarini ushlab qolish rejasini to‘xtatdi
AQSH Ta’lim vazirligi ijtimoiy ta’minot (Social Security) to‘lovlaridan qarzdor talabalarning pensiya pullarini ushlab qolish rejasini vaqtincha to‘xtatdi. Bu qaror 5 millionga yaqin qarzdor fuqarolarga ta’sir ko‘rsatishi mumkin edi.
2025 yil 2 iyun kuni «The Hill» nashri xabar berishicha, AQSH Ta’lim vazirligi qarzlarini to‘lamay kelayotgan fuqarolarning pensiya to‘lovlarini ushlab qolish (offset) rejasini amalga oshirishdan voz kechdi.
Vazirlikning matbuot kotibasi Ellen Kiast ta’kidlashicha, 5 maydan buyon qayta boshlangan qarz undirish jarayonida hech qanday ijtimoiy ta’minot mablag‘lari ushlab qolinmagan va kelgusida ham bunday harakatlar to‘xtatilgan.
Aprel oyida e’lon qilingan rejaga ko‘ra, qarzi 270 kundan ortiq to‘lanmagan fuqarolar — taxminan 5 million kishi — pensiya to‘lovlaridan, maoshlaridan va boshqa federal manbalardan mablag‘ ushlab qolinishi xavfiga duch kelayotgan edi.
«Tramp ma’muriyati asosan doimiy daromad manbasiga ega bo‘lgan pensiya oluvchilarni himoya qilishga intiladi», — dedi Kiast. Uning aytishicha, vazirlik yaqin haftalarda qarzdorlar bilan bog‘lanib, ularga imtiyozli to‘lov rejalari haqida ma’lumot berib, ularni qayta moliyaviy barqarorlikka qaytarishga yordam beradi.
Shuningdek, mart oyida Prezident Donald Tramp talabalar qarzi portfelini Ta’lim vazirligidan kichik biznes bo‘yicha ma’muriyat (SBA)ga o‘tkazish haqida qaror qabul qilganini ma’lum qilgan. Bu vazifa Kelli Lofler rahbarligida amalga oshiriladi. Shu bilan birga, sog‘liqni saqlash va oziq-ovqat dasturlari Bobbi Kennedi boshqaruvidagi sog‘liqni saqlash va inson xizmatlari vazirligiga o‘tkaziladi.
