AQSH Ukrainaga 3000 dan ortiq uzoq masofali raketa beradi

25.08.2025 | 10:3038133

AQSH prezidenti Donald Tramp ma’muriyati Ukrainaga 3350 ta ERAM turkumidagi uzoq masofali raketalarni sotishni ma’qulladi.

AQSH Ukrainaga 3000 dan ortiq uzoq masofali raketa beradi

Wall Street Journal yozishicha, umumiy qiymati 850 mln dollarlik kelishuv olti hafta ichida amalga oshiriladi. Paket raketalar bilan birga boshqa harbiy jihozlarni ham o‘z ichiga oladi. Moliyaviy yukning asosiy qismini Yevropa davlatlari ko‘taradi. ERAM raketalarining ta’sir radiusi 241–450 kilometr bo‘lib, ulardan foydalanish uchun Pentagonning alohida ruxsati talab etiladi. Universal qo‘llanilishi va modulli tuzilishi tufayli bu qurollar ham quruqlikda, ham dengizdagi nishonlarga zarba berish imkonini beradi. Raketalarni yetkazib berish Trampning Rossiya prezidenti Vladimir Putin va Ukraina yetakchisi Volodimir Zelenskiy bilan muzokaralaridan keyin amalga oshirilishi belgilangan. Avvalroq Jo Bayden ma’muriyati 2023 yilda Ukrainaga ATACMS raketalarini taqdim etgan edi. Dastlab ulardan Rossiya hududiga zarba berish taqiqlangan bo‘lsa-da, 2024 yil kuzida Shimoliy Koreya qo‘shinlari Moskva tomonida urushga qo‘shilgandan so‘ng cheklov olib tashlangan. Biroq AQSH Mudofaa vazirligi 2025 yil bahoridan boshlab ATACMS raketalaridan Rossiya hududiga zarba berishni qayta taqiqladi. Ayni paytda Kiyevda ushbu turdagi raketalar zahirasi juda kam qolgani qayd etilmoqda.

Teglar

Ukraina Donald Tramp Vladimir Putin Volodimir Zelenskiy ERAM ATACMS

Mavzuga oid

28.10.2025 | 23:20

Netanyahu buyrug‘i: «G‘azoga darhol kuchli zarbalar berilsin»

Bundan oldin Isroil bosh vaziri HAMASni o‘t ochishni to‘xtatish tartibini buzganlikda ayblagan edi.

28.10.2025 | 11:29

Qozog‘istondagi teraktning oldi olindi

Terror hujum besh nafar chet el fuqarosi tomonidan rejalashtirilgan.

27.10.2025 | 14:25

Tramp Putinning «Burevestnik» raketasi haqidagi bayonotini «o‘rinsiz» deb atadi

AQSH prezidenti Putinning «Burevestnik» qanotli raketa sinovlari haqidagi bayonotini keskin tanqid qildi. Uning fikricha, Moskva yangi qurollar sinovi bilan emas, urushni to‘xtatish bilan shug‘ullanishi lozim.

27.10.2025 | 20:04

Tramp Kim Chen In bilan uchrashuvga rozi

«Bizda yaxshi munosabatlar bo‘lgan, u menga yoqardi, men unga», - dedi AQSH prezidenti.

30.10.2025 | 17:32

Putin «Burevestnik» bilan maqtangach, Tramp yadroviy qurol sinovlarini boshlashni buyurdi

Donald Tramp Vladimir Putinning «Burevestnik» va «Poseydon» haqidagi bayonotlaridan so‘ng Pentagonga yadroviy qurol sinovlarini «zudlik bilan boshlash» haqida topshiriq berdi. AQSHda bunday sinovlar oxirgi bor 1992 yilda o‘tkazilgan edi.

27.10.2025 | 23:24

«Burevestnik»: Rossiyaning yangi raketasi kimga tahdid solmoqda?

Rossiya «Burevestnik» nomli cheksiz uzoqlikka ucha oladigan qanotli raketaning muvaffaqiyatli sinovlari haqida ma’lum qilindi. «Bu o‘ziga xos noyob qurol» deya ta’kidladi Rossiya prezidenti Vladimir Putin. Biroq, mutaxassislar bu qurolning «mo‘’jiza» ekaniga ishonmayaptilar.