AQSH–Xitoy o‘rtasidagi tarif jarayoni boshqa davlatlarga ham ta’sir qilmoqda

AQSH va Xitoy o‘rtasidagi 90 kunlik tarif kelishuvi global muzokaralarda yangi yo‘nalish yaratib, boshqa davlatlarning ham AQSH bilan munosabatlariga yangicha yondashuv olib kelmoqda. O‘tgan hafta ikki davlat tariflarni 145 foizdan 30 foizgacha vaqtincha tushirishga kelishdi. Bu Pekinning qat’iy pozitsiyasi va Vashingtonga bosimidan keyin amalga oshdi. Muzokaralarda ancha diplomatik yondashuvni tanlagan Yaponiya, Janubiy Koreya va Yevropa Ittifoqi bu kelishuvdan keyin o‘z strategik pozitsiyalarini qayta ko‘rib chiqmoqda. Janubiy Koreya va Yaponiya rasmiylari endi shoshma-shosharlik bilan kelishuv tuzmasligini ma’lum qildi. Yaponiya savdo vaziri: «Muddatlar uchun milliy manfaatlardan voz kechmaymiz», — deya bayonot berdi. Yevropa Ittifoqi esa AQSH yutuqlarini cheklangan deb baholamoqda. Kelishuvdan xulosa chiqarayotgan davlatlar orasida Hindiston ham bor. Mamlakat muzokaralarni davom ettirmoqda, ammo hali biron tarif imtiyoziga rozilik bermaganini bildirdi. Bu orada Kanada va Viyetnam kabi iqtisodiyoti AQSHga bog‘liq davlatlar muzokaralarda ancha yengilmas pozitsiyani tanlamoqda. Xitoy bilan tuzilgan kelishuv mamlakatning iqtisodiy salohiyati bor davlatlarga AQSH bilan «qat’iy» muzokaralar olib borish imkoni borligini ko‘rsatmoqda. Biroq bu uslub barcha uchun mos kelmaydi. Eksportga bog‘liq davlatlar uchun bu yo‘l iqtisodiy xavf-xatarlarga olib kelishi mumkin.