Boku shahrida «Made in Uzbekistan» shourumi ish boshladi

03.07.2025 | 14:401652

Ozarbayjon poytaxti Boku shahrida O‘zbekiston mahsulotlari uchun doimiy shourum ishga tushdi. Bu loyiha ikki mamlakat sanoat va savdo hamkorligini mustahkamlashga qaratilgan.

Boku shahrida «Made in Uzbekistan» shourumi ish boshladi

1 iyul kuni ochilgan shourum «Turk savdo markazi»da joylashgan bo‘lib, 1500 kvadrat metr maydonni egallaydi. Tadbirda O‘zbekiston Investitsiyalar, sanoat va savdo vazirligi rahbar o‘rinbosari Xurram Teshabayev hamda Ozarbayjon Iqtisodiyot vazirining o‘rinbosari Samed Bashirli ishtirok etdi. Shourumda qurilish materiallari, elektr mahsulotlari, mebel, to‘qimachilik va charm mahsulotlari namoyish etilmoqda. Shu bilan birga, «O‘zpromstroymateriallari» uyushmasi Okuglu Holding kompaniyasi bilan 1 mln kvadrat metr kafel va keramogranit eksport qilish bo‘yicha shartnoma imzoladi. Bundan tashqari, Panamilk va Jizzax Organic kompaniyalari Ozarbayjonning Atena va Milla Dairy bilan sut mahsulotlari ishlab chiqarish va hamkorlik yuzasidan kelishuvga erishdi. Havas Holding va RJ Chemical Co. o‘rtasida maishiy kimyoviy mahsulotlar ishlab chiqarish bo‘yicha shartnoma tuzildi. «O‘zeltexsanoat»va STP Global Cable kompaniyalari esa yuqori kuchlanishli kabellar ishlab chiqarish bo‘yicha qo‘shma loyiha boshlashni rejalashtirmoqda.

Mavzuga oid

01.11.2025 | 13:55

O‘zbekiston qishloq xo‘jaligi 9 oyda 4 foizga o‘sdi

2025 yil yanvar-sentabr oylarida O‘zbekistonda qishloq xo‘jaligi, o‘rmonchilik va baliqchilik mahsulotlari va xizmatlarining umumiy hajmi 366 216,0 milliard so‘mni tashkil etdi.

Kecha 21:19

2026 yilda ikki mingdan ziyod dorilar arzonlashishi mumkin

Prezident huzuridagi taqdimotda aytilishicha, 2,6 ming turdagi retseptli dorilarning narxi o‘rtacha 40-50 foizga tushishi kutilmoqda.

30.10.2025 | 17:00

Urgutda mast erkak maktabga bostirib kirib, o‘qituvchini kaltakladi

Voqea Samarqand viloyatining Urgut tumanida joylashgan 112-maktabda sodir bo‘lgan.

30.10.2025 | 18:54

Mirziyoyev UNESCOda beshta global tashabbus bilan chiqdi

Birinchi yo‘nalish ta’lim sohasiga bag‘ishlandi. Ikkinchi tashabbus madaniy merosni saqlash bilan bog‘liq.

Kecha 14:25

O‘zbekistonda 100 mingta yangi Cobalt 2,5 soatda sotildi

UzAuto Motors kompaniyasi 3 noyabr kuni yangi Chevrolet Cobalt avtomobillarini sotishni boshladi. Bor-yo‘g‘i 2 soat 26 daqiqada 100 mingta mashina uchun shartnoma tuzildi, ularning 99 foizdan ortig‘ini jismoniy shaxslar xarid qildi.

29.10.2025 | 17:12

Radiatsiyaviy manbalar xavfsizligini ta’minlash tartibi belgilandi

Ushbu tartib yadroviy qurilmalar jumlasiga kirmaydigan, yangi quriladigan va rekonstruksiya qilinadigan radiatsiyaviy manbalar xavfsizligini ta’minlashni ko‘zda tutadi.