«Do‘stlik» chegara postida elektron navbat tizimi joriy etiladi

Qirg‘iziston va O‘zbekiston o‘rtasidagi eng gavjum chegara posti — “Do‘stlik” nazorat-o‘tkazish punktida iyul oyidan elektron navbat tizimi amalga kiritiladi. Bu haqda Qirg‘iziston Bojxona xizmati raisi ma’lum qildi. Unga ko‘ra, haydovchilar endilikda chegaradan o‘tish uchun o‘zlariga qulay vaqtni tanlab, mobil telefon orqali navbatga yoziladilar. Bu jarayon orqali transport oqimini optimallashtirish, to‘planishlarni kamaytirish va vaqtni tejash ko‘zda tutilmoqda. Mazkur tizim avvalroq Qizil-Qiyadagi chegarada sinov tariqasida joriy etilgan. Natijalarga ko‘ra, nazorat-o‘tkazish punktining o‘tkazish qobiliyati bir necha barobar oshgan. Shu bois, «Do‘stlik» postida ham ushbu yutuqni takrorlash rejalashtirilmoqda. Qirg‘iziston tomoni loyihani kelgusida barcha yirik chegara punktlariga kengaytirishni maqsad qilgan. Xususan, hozirda qirg‘iz-qozoq chegaralarida ham elektron navbat tizimini joriy etish ustida ish olib borilmoqda. Ma’lumot uchun, «Do‘stlik» posti O‘zbekiston bilan chegaradosh Qirg‘izistonning O‘sh viloyatida joylashgan bo‘lib, har kuni minglab yuk avtomobillari va yo‘lovchilar harakatlanadigan strategik nuqta hisoblanadi.