Erdo‘g‘an: Ukraina mojarosi faqat diplomatiya yo‘li bilan hal etiladi
29.05.2025 | 20:4041383
Turkiya prezidenti Rajab Toyyib Erdo‘g‘an Ukrainadagi mojaroni faqat muloqot va diplomatiya orqali hal etish mumkinligini ta’kidladi. U Turkiya ham Moskva, ham Kiyev bilan doimiy aloqada ekanini bildirdi.
Turkiya rahbari Rajab Toyyib Erdo‘g‘an Ozarbayjondan qaytish chog‘ida jurnalistlarga bergan intervyusida Ukrainadagi harbiy mojaroni tinch yo‘l bilan hal etish zarurligini qayd etdi. Unga ko‘ra, Turkiya mojaroni diplomatik yechim bilan yakunlash tarafdori bo‘lib qoladi. «Xalq banki»
«Biz tinchlikka intilishda davom etamiz va bundan keyin ham shunday bo‘ladi. Biz Rossiya bilan ham, Ukraina bilan ham aloqada bo‘lib turibmiz», — dedi Erdo‘g‘an. Uning so‘zlarini RIA Novosti agentligi keltirdi.Prezident Erdo‘g‘an erkin muloqot va diplomatik muzokaralar asosida barqaror tinchlikka erishish imkoniyatini qayd etdi. Unga ko‘ra, hozirgi jarayonda vujudga kelgan turtkini mustahkam tinchlik sari qadam sifatida baholash mumkin. Turkiya Ukraina inqirozi boshlangan dastlabki kunlardanoq urushning kengayishini oldini olish va tomonlar o‘rtasida muzokaralar o‘tkazish uchun faol harakat qilgan davlatlardan biri bo‘lib kelmoqda. Mamlakat diplomatik kanallar orqali ikki tomon bilan ham munosabatlarni saqlab qolishga intilayotganini bir necha bor ta’kidlagan. Erdo‘g‘anning bayonoti mojaroni harbiy yo‘l bilan emas, siyosiy yechimlar orqali hal etish tarafdorlari soni oshib borayotganini ko‘rsatadi.
