Falastin elchisi O‘zbekistondagi diplomatik faoliyatini yakunlamoqda

O‘zbekiston tashqi ishlar vaziri Baxtiyor Saidov kecha, 9 oktyabr kuni Falastin elchisi Javad Muhammad Avadni qabul qildi. Bu haqda Saidov o‘zining Telegram-kanalida xabar berdi. «Mamlakatimizda o‘z faoliyatini yakunlayotgan Falastinning O‘zbekistondagi elchisi Javad Muhammad Avad janoblari bilan uchrashdik. O‘zbekiston-Falastin munosabatlarini mustahkamlash va xalqlarimiz o‘rtasidagi do‘stlikni chuqurlashtirish yo‘lidagi Elchinining sa’y-harakatlariga chin dildan minnatdorlik bildiramiz», - deya yozdi O‘zbekiston TIV rahbari. Qayd etilishicha, O‘zbekiston BMT rezolyutsiyalariga muvofiq, «ikki xalq uchun – ikki davlat» tamoyilini amalga oshirishning qat’iy tarafdori. «Elchi janoblariga kelgusi faoliyatida muvaffaqiyatlar tilaymiz», - dedi Baxtiyor Saidov.