iPhone 17 Apple’ni 4 trln dollar kapitalizatsiyaga olib chiqdi

29.10.2025 | 11:372102

Apple kapitalizatsiyasi tarixiy 4 trln dollarlik chegarani bosib o‘tdi. Bu natija iPhone 17 modeliga bo‘lgan yuqori talab bilan izohlanmoqda. Kompaniya endi iPhone 19 dan voz kechib, 2027 yildagi yubiley sabab iPhone 20’ni chiqarishga tayyorlanmoqda.

iPhone 17 Apple’ni 4 trln dollar kapitalizatsiyaga olib chiqdi

Apple korporatsiyasi bozordagi navbatdagi rekordini yangiladi — kompaniya kapitalizatsiyasi 4 trln dollarga yetdi, deb xabar bermoqda Bloomberg. Bu ko‘rsatkich bilan Apple Nvidia va Microsoftdan keyin mazkur darajaga chiqqan dunyodagi uchinchi kompaniya bo‘ldi.

Savdo sessiyasida Apple aksiyalari 0,4 foizga qadar ko‘tarildi, ammo NASDAQ birjasi yopilish paytida 268,59 dollarga tushdi. Shu bilan birga, kompaniyaning umumiy qiymati 3,99 trln dollarni tashkil etdi. Bloomberg tahlilchilari bunday o‘sishni sentyabr oyida sotuvga chiqarilgan iPhone 17 modelining kutilmagan darajadagi ommaviy talab bilan izohlashmoqda.

Apple aksiyalari aprel oyida qayd etilgan eng past nuqtasidan buyon 56 foizga o‘sgan — bu kompaniya qiymatini taxminan 1,4 trln dollarga oshirdi. TradingView ma’lumotlariga ko‘ra, dunyodagi eng katta kompaniyalar qiymati bo‘yicha quyidagicha taqsimlangan: Nvidia — 4,7 trln dollar, Microsoft — 4,6 trln dollar, Apple — 3,99 trln dollar, Alphabet — 3,24 trln dollar va Amazon — 2,42 trln dollar.

Shu bilan birga, Apple 2027 yilda iPhone 19 modelini chiqarmaslikni, balki yubiley munosabati bilan iPhone 20 nomli yangi avlodni taqdim etishni rejalashtirmoqda. Bu haqda ETNews va TRT HABER Omdia tadqiqot markazining bosh tahlilchisi Heo Mu-yolning ma’lumotlariga tayanib xabar berdi.

Apple yubiley yilida bir nechta yangi qurilmalarni taqdim etishni ko‘zlamoqda: 2027 yilning birinchi yarmida arzonroq iPhone 18e modeli, ikkinchi yarmida esa iPhone 20 seriyasi, ikkinchi avlod buklanuvchi iPhone hamda yangi iPhone Air modellari sotuvga chiqishi kutilmoqda.

Mutaxassislar fikricha, kompaniyaning yubiley strategiyasi bozordagi raqobatni kuchaytiradi va Apple’ning premium segmentdagi yetakchiligini mustahkamlaydi.

Teglar

bozor Apple texnologiya smartfon kapitalizatsiya iPhone 17

Mavzuga oid

30.10.2025 | 12:30

Alipay+ endi Octo-mobile ilovasida: chet elda xuddi uyingizdagi kabi to‘lov qiling

Octobank birinchilardan bo‘lib Xitoyning mashhur Alipay+ to‘lov xizmatini o‘zining mobil ilovasi interfeysiga integratsiya qildi.

29.10.2025 | 16:55

Uzum umumiy hajmi 400 mlrd so‘mlik ikkinchi obligatsiyalarini joylashtirishga tayyorlanmoqda

Kompaniya mazkur obligatsiyalar bo‘yicha yillik stavka 24 foiz etib belgilanganini ma’lum qildi.

29.10.2025 | 13:00

O‘zbekistonda faoliyati to‘xtagan ayrim to‘qimachilik korxonalari Afg‘onistonda ish boshlaydi

O‘zbekistonlik mutaxassislar Afg‘onistonda to‘qimachilik korxonalarini tiklash ishlarini boshladi. O‘zbekistonda faoliyati to‘xtagan ayrim fabrikalar endilikda Afg‘oniston hududida qayta ishga tushiriladi.

29.10.2025 | 12:00

Fond bozori: kichik investorlar bozorga kirdi, likvidlik esa yomonlashdi

O‘zbekiston fond bozori 2025 yilning uchinchi choragida yangi bosqichga o‘tdi, kichik investorlar soni oshdi, indekslar o‘sdi, lekin umumiy savdo hajmi 85 foizga qisqardi. Ya’ni, bozor kengaydi, ammo likvidlik kamaydi.

29.10.2025 | 14:30

Aksiyalar faqat «boylar» uchun emas: istalgan odam aksiyador bo‘lishi mumkin

«Toshkent fond birjasi» raqamli tizimga o‘tgach, istalgan fuqaro telefon yoki kompyuter orqali aksiyalarni sotib olib, real investorga aylanishi mumkin. Qanday qilib?

30.10.2025 | 14:25

OpenAI компанияси 1 трлн доллар қийматда IPO қилишни режалаштиряпти

OpenAI компанияси ўз таркибий тузилмасини ўзгартириб, акцияларини оммавий савдога чиқариш ҳақида режалар тузмоқда. Агар бу амалга ошадиган бўлса, бу тарихдаги энг йирик IPO бўлиши кутиляпти.