Iqlim o‘zgarishi Lotin Amerikasi bananlariga tahdid solmoqda

Christian Aid xalqaro tashkiloti tayyorlagan so‘nggi hisobotda qayd etilishicha, iqlim o‘zgarishi Lotin Amerikasida banan yetishtirishni xavf ostida qoldirmoqda. Gvatemala, Kosta-Rika va Kolumbiya kabi asosiy eksportchi mamlakatlarda harorat oshishi, ob-havoning keskin o‘zgarishi va hasharotlar ko‘payishi dehqonchilikni zaiflashtirmoqda. Hisobotda banan bug‘doy, guruch va jo‘xoridan keyin to‘rtinchi asosiy oziq-ovqat mahsuloti ekani ta’kidlangan. 2080 yilgacha Lotin Amerikasi va Karib dengizi mintaqasida banan yetishtiriladigan yerlarning uchdan ikki qismi noqulay bo‘lib qolishi taxmin qilinmoqda. Bu mintaqalar dunyo banan eksportining 80 foizini ta’minlaydi, shu bilan birga iqlim o‘zgarishiga nisbatan eng zaif hududlardan biri hisoblanadi. Dunyoda yetishtiriladigan bananning 80 foizidan ortig‘i ichki iste’mol uchun mo‘ljallangan. Taxminlarga ko‘ra, 400 million kishi kuniga 15–27 foiz kaloriyani aynan banandan oladi. Asosiy eksport sorti — Kavendish — uning yuqori hosildorligi va tashishga chidamliligi bilan alohida ahamiyatga ega. Iqlim o‘zgarishi sabab paydo bo‘layotgan zamburug‘li kasalliklar esa qishloq xo‘jaligi yerlarini zararlashi mumkin. Christian Aid rivojlangan mamlakatlarni iskanjali yonilg‘idan voz kechishga va mo‘’tadillashuv uchun kambag‘al mamlakatlarga moliyaviy ko‘mak berishga chaqirmoqda. Tashkilot vakili Osay Ojigo ta’kidlaganidek, banan — bu nafaqat dunyodagi eng ommalashgan mevalardan biri, balki millionlab insonlar uchun hayot manbai hamdir.