«Iste’molchi murojaati» elektron tizimi ishga tushirildi

01.12.2025 | 11:294631 daqiqa

Iste’molchilar endi murojaatlarini onlayn yuborib, ularning ko‘rib chiqilishi va natijasini real vaqtda kuzatishi mumkin bo‘ladi.

«Iste’molchi murojaati» elektron tizimi ishga tushirildi

O‘zbekistonda 1-dekabrdan «Iste’molchi murojaati» elektron tizimi joriy etildi. Bu haqda Raqobat qo‘mitasi axborot xizmati xabar berdi.

Loyiha Prezidentning «O‘zbekiston–2030» strategiyasini amalga oshirishga qaratilgan davlat dasturi doirasida Raqobat qo‘mitasi tomonidan ishlab chiqilgan. Yangi platforma iste’molchilarga o‘z murojaatlarini daqiqalar ichida onlayn yuborish, ularning qay tarzda ko‘rib chiqilayotganini kuzatish va yakuniy qaror bilan tanishish imkonini beradi.

Platformaga bir qator vazirlik va idoralar integratsiya qilingan. Iste’molchi murojaatlarini veb-sayt yoki mobil ilova orqali yuborganda, murojaat tadbirkorga yo‘naltiriladi va tadbirkor uni ko‘rib chiqib, iste’molchi bilan bog‘lanadi. Tadbirkor muammo ijobiy yoki salbiy hal qilinganligi natijasini tizimga yuboradi. Agar tadbirkor belgilangan tartibda javob bermasa, murojaat avtomatik ravishda tegishli vazirlik va idoralarga yuboriladi.

Tizim jismoniy va yuridik shaxslar uchun birdek mo‘ljallangan bo‘lib, murojaatlarni qabul qilish va qayta ishlash jarayonini shaffoflashtirishni maqsad qiladi. Murojaatlar maxsus «Fair tech» axborot tizimi orqali qabul qilinadi. Shuningdek, foydalanuvchilar «Play Market» va «App Store»dagi mobil ilovalar orqali ham murojaat yuborishi mumkin.

Eslatib o‘tamiz, avvalroq Raqobat qo‘mitasi restoran va kafelarni ogohlantirganligi haqida xabar berilgan edi.

Teglar

Raqobat qo‘mitasi O‘zbekiston onlayn-platforma Iste’molchi murojaati Fair tech

Mavzuga oid

Kecha 14:55

Manipulyatsiya harakatlarini sodir etgan kompaniya jazolandi

Raqobat qo‘mitasi yuqori likvidli sementni to‘g‘ridan-to‘g‘ri sotish orqali birja qoidalarini buzgan kompaniyaga ta’sir chorasini qo‘lladi.

03.12.2025 | 15:08

Raqobat qo‘mitasi aholini savdo nayranglaridan ogohlantirdi

Raqobat qo‘mitasi aholi o‘rtasida turli aldov sxemalari ortib borayotganini ta’kidlab, ayrim sotuvchilarning soxta chegirma va bonuslar orqali fuqarolarga ma’naviy hamda moddiy zarar yetkazayotganini ma’lum qildi.

02.12.2025 | 08:38

iPhone sotuvlarni «yormoqda»: Apple bozorda tarixiy rekord o‘rnatdi

Apple smartfonlar sotuvini 12 foizga oshirib, jahon bozorida 24,2 foiz ulushga chiqdi. Kompaniya o‘z tarixida ilk marta bu darajani qayd etdi.

Kecha 12:55

Xotin-qizlarning biznes loyihalarini qo‘llab-quvvatlash uchun 2 trln so‘m yo‘naltiriladi

Prezidentning tegishli qarori bilan xotin-qizlarning kasb-hunar o‘rganish imkoniyatlarini kengaytirish belgilandi.

02.12.2025 | 16:58

O‘zbekiston bozorida tokenlashtirilgan aksiya va obligatsiyalar: nimalar o‘zgaradi?

O‘zbekiston kapital bozorida an’anaviy aksiyalar va obligatsiyalardan tashqari raqamli aktivlar, token shaklidagi qog‘ozlar ham paydo bo‘lishi kutilmoqda. Ushbu tahliliy maqolada shularni tushuntirishga urinib ko‘ramiz.

28.11.2025 | 16:25

IPO oddiy investor uchun nimani anglatadi?

So‘nggi yillarda O‘zbekistonda fond bozori sezilarli faollashishi ortidan aksiyalar bilan birga IPO atamasi ham tez-tez uchraydigan terminga aylanadi. Ko‘pchilik uchun bu hali ham «faqat katta investorlar» tushunadigan murakkab jarayon bo‘lib tuyuladi. Aslida, IPO oddiy fuqaroni ham real aksiyadorga aylantiradigan mexanizmdir.