ЖЧ-2026. Испания Францияни қийинчиликсиз мағлуб этиб, биринчи финалчига айланди

Жаҳон чемпионатида ҳал қилувчи баҳслар давом этмоқда.

Биринчи яримфиналда таркиб борасида турнирнинг асосий фаворити деб ҳисобланган, 2022 йилги мундиал финалчиси Франция Европанинг амалдаги чемпиони Испанияга имкониятни бой берди.

Ойарсабал ва Порронинг голлари «қизил фурия»ни 16 йиллик танаффусдан сўнг Жаҳон чемпионати финалига олиб чиқди. Французлар эса қаторасига учинчи бор финалга чиқиш имкониятидан фойдалана олишмади.

Испания 19 июл кунги ҳал қилувчи баҳсда Аргентина — Англия жуфтлиги ғолибига қарши ўйнайди.

ЖЧ-2026. Яримфинал
Франция — Испания 0:2
14 июл. Ист-Рутерфорд
Голлар: Ойарсабал (22, пеналти), Порро (58).
Франция — Менян, Кунде, Упамекано, Салиба (Лакруа, 30), Дин (Эрнандес, 72), Чуамени, Рабио (Коне, 46), Олисе (Шерки, 72), Дембеле, Барколя (Дуэ, 57), Мбаппе.
Испания — Симон, Порро (Лоренте, 84), Кубарси, Лапорт, Кукуреля, Родри, Руис (Педри, 78), Олмо (Мерино, 78), Ямал, Баэна (Уилямс, 84), Ойарсабал (Торрес, 74).
Огоҳлантиришлар: Рабио (9), Кукуреля (31), Мбаппе (86).