Кичик корхоналар томонидан бажарилган қурилиш ишлари ҳажми маълум қилинди

2026 йил январ ойида Ўзбекистонда кичик корхона ва микрофирмалар томонидан 6 триллион сўмлик қурилиш ишлари бажарилди. Бу ҳақда Миллий статистика қўмитаси маълум қилди.

Маълум қилинишича, ушбу кўрсаткич мамлакатдаги жами қурилиш ишлари ҳажмининг 46 фоизини ташкил этган. Бу эса кичик бизнес субъектларининг соҳадаги улуши юқори эканини кўрсатади.

Ушбу кўрсаткичнинг йиллар кесимидаги динамикаси қуйидагича (январ):

2022-йил – 5,1 трлн сўм;

2023-йил – 3,4 трлн сўм;

2024-йил – 4,2 трлн сўм;

2025-йил – 5,1 трлн сўм;

2026-йил – 6 трлн сўм.

Мутахассислар бу ўсишни қурилиш соҳасида фаолликнинг ортиши ва инвестицияларнинг кўпайиши билан изоҳламоқда.