Manhetten markazida otishma: 6 kishi halok bo‘ldi, ular orasida politsiyachi ham bor
Nyu-York markazidagi Blackstone ofisida ro‘y bergan otishma oqibatida kamida olti kishi halok bo‘ldi. Voqea joyida xizmat ko‘rsatgan politsiyachiga o‘q tegib, vafot etdi. Hujum qilgan shaxs esa o‘z joniga qasd qilgan.
29 iyul kuni Manhettenda joylashgan Blackstone investitsiya kompaniyasi va Milliy futbol ligasi (NFL) qarorgohi joylashgan binoda qurolli hujum sodir etildi. Rasmiy manbalarga ko‘ra, umumiy hisobda 6 nafar kishi o‘qqa uchragan, shulardan besh nafari halok bo‘lgan. Ular orasida bir politsiyachi bor, u binoda xavfsizlik xodimi sifatida xizmat qilgan.
Fox News manbasiga ko‘ra, hujumchi dastlab 52-ko‘cha va Park avenyu burchagida joylashgan binoga kirib, lobbida o‘q uzgan. Keyin esa boshqa qavatlarga chiqib, yana bir necha kishini o‘qqa tutgan. Boshpanaga ega bo‘lgandan so‘ng 33-qavatga chiqib, o‘z joniga qasd qilgan.
Kuzatuv kameralari hujumchini ko‘zoynakda va avtomatga o‘xshash qurol bilan tasvirga olgan. Otishma vaqtida odamlar oshxona va hojatxonalarda panoh topishga uringan. Shahar meri Erik Adams fuqarolarni xavfsizlik choralarini ko‘rishga chaqirdi.
Hodisa joyiga NYPD, Sherif xizmati va FBR xodimlari yetib kelgan. FBR va AQSH Janubiy okrugi prokuraturasi maxsus shtab tashkil qilib, tergov ishlariga yordam berayotgani aytilmoqda. Voqeaning sabablari hozircha aniq emas, tergov olib borilmoqda.
