Онкологик касалликларда рўза тутиш мумкинми?
Онколог шифокор саратон билан оғриган беморларга қачон рўза тутиш мумкин ёки мумкин эмаслигини тушунтирди.
Саратон касаллигининг бирламчи даво муолажасини олаётган ёки операция ўтказилганидан кейин ҳали икки ой тўлмаган бўлса ёки кимё ва нур терапиялари олиниб, орадан икки ой ўтмаган бўлса рўза тутиш тавсия қилинмайди. Бу ҳақда Мусулмонлар диний идораси матбуот хизмати онколог шифокор Мақсуд Маллаевга таяниб, маълум қилди.
Қачон рўза тутиш мумкин?
Ҳар қандай саратонга қарши олинган муолажалардан кейин, икки ойдан ошган бўлса яъни биз бу касалликни якунига етган, ремиссия (уйқу ҳолатига ўтган касаллик) ҳолати деб баҳоланади. Шундай ҳолатларда рўза тутиш мумкин.
«Айнан ошқозон-ичак тракти саратони билан касалланган беморларда операциялар, мисол учун: ошқозон, ошқозон ости бези олиб ташланган ҳолатлар, ўт йўллари, жигар саратони билан оғриган беморларда ремиссия ҳолатида ҳам рўза тутиш, касалликни уйғотишга ёки организмни кейинги кутиладиган даво муолажаларини олишга тайёргарлик қисмини тўхтатиб қўйишига олиб келади. Бу билан бизнинг даволаш натижаларимиз нормал ҳолатдан кўра пасайиб кетиши мумкин», - деди шифокор.
