OpenAI ChatGPT’da reklama joriy qiladi: 1000 ta ko‘rish — 60 dollar

30.01.2026 | 08:002 daqiqa

Kompaniya avvalroq foydalanuvchi ma’lumotlarini hech qachon reklama beruvchilarga sotmaslikka va’da bergan.

OpenAI ChatGPT’da reklama joriy qiladi: 1000 ta ko‘rish — 60 dollar

OpenAI kompaniyasi ChatGPT chat-botida reklama sotishni yo‘lga qo‘yishga qaror qildi. Bu haqda «The Information» nashri o‘z manbalariga tayanib xabar berdi.

Qayd etilishicha, belgilangan tarif har 1000 ta ko‘rish uchun taxminan 60 dollar bo‘ladi. Bu ko‘rsatkich «Meta» platformalaridagi o‘rtacha reklama narxidan qariyb uch barobar qimmat hisoblanadi.

Reklama tahlili va ma’lumotlar cheklovi

Shu bilan birga, OpenAI reklama beruvchilarga kampaniya samaradorligi bo‘yicha Google yoki Meta’ga qaraganda ancha kam ma’lumot taqdim etadi. ChatGPT’ning ilk hamkorlari faqatgina «umumiy» statistikani, masalan, integratsiyalarning jami ko‘rilishi yoki havolaga bosishlar sonini olishlari mumkin. Reklamadan keyingi harakatlar, xususan, xaridlar amalga oshirilgani haqidagi batafsil ma’lumotlar hozircha berilmaydi.

Kompaniya kelajakda reklama beruvchilar uchun kengroq tahliliy imkoniyatlarni yaratishi mumkinligini inkor etmagan. Biroq, nashrning eslatishicha, OpenAI avvalroq foydalanuvchi ma’lumotlarini hech qachon reklama beruvchilarga sotmaslikka va ChatGPT’dagi suhbatlar maxfiyligini saqlashga va’da bergan.

Kimlarga va qachon reklama ko‘rsatiladi

OpenAI yanvar oyi o‘rtalarida ChatGPT’ga reklama joriy etilishini ma’lum qilgan. Hozircha bu o‘zgarish AQSHdagi ayrim foydalanuvchilarga tegishli bo‘ladi. Kompaniya ushbu qarorni chat-botni rivojlantirish va uning yuqori xarajatlarini qoplash uchun daromadlarni oshirish zarurati bilan izohladi.

Ilk reklamalar yaqin haftalar ichida chat-botning bepul versiyasi hamda oyiga 8 dollar turuvchi arzonlashtirilgan ChatGPT Go tarif rejasidan foydalanuvchilar uchun ko‘rina boshlaydi. 18 yoshga to‘lmaganlar uchun hamda ruhiy salomatlik yoki siyosat kabi nozik mavzular muhokama qilinayotgan chatlarda reklama ko‘rsatilmaydi.

Teglar

reklama monetizatsiya OpenAI ChatGPT Sem Altman ChatGPT Go SRM narxlari

Mavzuga oid

Kecha 13:35

Yaponiya okean tubidan noyob elementlarni topdi

Yaponiya tadqiqot missiyasi okeanning 6000 metr chuqurligida noyob yer elementlarini o‘z ichiga olgan qatlamlarni aniqladi. Yaponiya qimmatbaho minerallar bo‘yicha Xitoyga bo‘lgan qaramligini kamaytirishga intilmoqda.

Kecha 14:38

AQSHda o‘qituvchilar o‘rniga sun’iy intellekt dars o‘tadigan maktablar ochildi

Maktablarda o‘qituvchilar yo‘q, uy vazifalari yo‘q va o‘qish uchun to‘lov yiliga 65 ming dollargacha yetishi mumkin.

Kecha 21:50

AQSHda Migratsiya politsiyasiga qarshi isyon avj oldi — fotojamlanma

Amerikaning 43 ta shtatida Migratsiya va bojxona politsiyasining shafqatsizligiga qarshi ommaviy namoyishlar qayta avj oldi. Unga migrantlarga yordam berishga uringan ikki kishining o‘q yeb, vafot etgani turtki bo‘lgan.

Kecha 17:10

Si Jinping yuanni global zaxira valutaga olib chiqishga chaqirdi

Xitoy rahbari yuanni xalqaro savdo va moliyada faol qo‘llanadigan kuchli valutaga aylantirish zarurligini ta’kidladi.

Kecha 22:10

AQSH Rossiyaning Afrikadagi ta’siriga qarshi harakat boshladi

Vashington Sahel mintaqasidagi «shaxmat taxtasi»da kutilmagan yurishni amalga oshirdi. Oq uy an’anaviy demokratiya darslarini chetga surib, Rossiyaning mintaqadagi harbiy monopoliyasini jilovlash uchun muloqotga tayyor.

Kecha 18:24

Meksika va Kanada Tramp tariflaridan yutdi, eng katta zararni esa Xitoy ko‘rmoqda

Tramp siyosati global eksport xaritasida kuchlar nisbatining jiddiy qayta taqsimlanishiga olib keldi. Ayrim davlatlar katta imtiyozlarga ega bo‘layotgan bir paytda, boshqalari misli ko‘rilmagan tarif bosimi va cheklovlarga duch kelmoqda.