O‘zbekiston Boku forumida $68 mlnlik eksport shartnomalari imzoladi

19.06.2025 | 17:4020273

10–12 iyun kunlari Ozarbayjon poytaxti Boku shahrida o‘tkazilgan Turkiy davlatlar savdo forumida O‘zbekiston delegatsiyasi 68 mln dollarlik eksport shartnomalari tuzdi. Tadbirda mamlakatimizdan 50 dan ziyod korxona «Made in Uzbekistan» brendi ostida o‘z mahsulotlarini taqdim etdi.

O‘zbekiston Boku forumida $68 mlnlik eksport shartnomalari imzoladi

Forum Turkiy kengashga a’zo va hamkor davlatlar o‘rtasidagi savdo-iqtisodiy aloqalarni mustahkamlash maqsadida tashkil etildi. O‘zbekiston delegatsiyasi tarkibida Investitsiyalar, sanoat va savdo vazirligi vakillari ham ishtirok etdi. Yig‘ilish doirasida mahalliy ishlab chiqaruvchilar Bokuning yirik importchilar, logistika va qurilish kompaniyalari bilan B2B uchrashuvlar o‘tkazdi. Qurilish materiallari sohasida o‘zbek kompaniyalari — New Best Style, Lux Ceramics Group va Ekokerama kabi korxonalar Uni Tiles MMC kompaniyasi tomonidan katta qiziqish bilan qarshi olindi. Muzokaralar natijasida «O‘zsanoatqurilishmateriallari» uyushmasi va Uni Tiles MMC o‘rtasida 1 mln dollarlik shartnoma imzolandi. Shuningdek, New Best Style va Sahil Inshaat 2020 o‘rtasida 500 ming dollarlik PVX-panellar yetkazib berish shartnomasi tuzildi. Ozarbayjon qurilishchilar va ishlab chiqaruvchilar uyushmasi (ATIA) bilan ham hamkorlik yo‘lga qo‘yildi. Trikotaj mahsulotlar eksporti bo‘yicha Artatex va MMS Universal Trade XI o‘rtasida kelishuvga erishildi. Orzu-Teks kompaniyasi tomonidan muntazam ravishda 35 tonna rangli trikotaj yetkazib berish to‘g‘risida shartnoma tuzildi. Jami 68 mln dollarlik eksport shartnomalari keramika mahsulotlari, maxsus kiyimlar, bolalar kiyimi va 5 ming dona klimat texnikasini qamrab oldi. Forum yakunida O‘zbekiston mahsulotlari uchun Bokuda 1 500 metr kvadratli doimiy shourum tashkil etish bo‘yicha kelishuvga erishildi.

Teglar

O‘zbekiston eksport Boku Turkiy forum qurilish materiallari tekstil

Mavzuga oid

27.10.2025 | 13:55

Yevropadan prezidentlar tashrifi, Samarqandda UNESCO konferensiyasi — Prezidentning ish rejasi

Hafta ichida O‘zbekistonda bir qator muhim xalqaro tadbirlar bo‘lib o‘tadi. Prezident matbuot kotibi Shavkat Mirziyoyevning shu haftadagi ish rejasini e’lon qildi.

Bugun 19:58

Shavkat Mirziyoyev Ijtimoiy rivojlanish bo‘yicha ikkinchi Jahon sammitida ishtirok etadi

O‘zbekiston prezidenti amir Shayx Tamim bin Hamad Ol Soniyning taklifiga binoan Jahon sammitida ishtirok etish uchun Qatarga boradi.

Kecha 18:55

O‘zbekistonda yillik inflyatsiya 7,8 foizgacha pasaydi

2025 yil oktabr oyida inflyatsiya 0,6 foizni tashkil etdi. Yillik hisobda esa narxlar o‘sishi 7,8 foizgacha pasaydi — bu o‘tgan yilga nisbatan 2,4 foiz punktga kam.

31.10.2025 | 17:20

9 oy mobaynida Toshkent shahrida qariyb 72 trln so‘m investitsiya o‘zlashtirildi

Milliy statistika qo‘mitasi yanvar–sentyabr oylarida hududlarda o‘zlashtirilgan investitsiyalar bo‘yicha ma’lumot berdi.

31.10.2025 | 16:56

Yangi qonun: Yoqilg‘i-energetikaga oid huquqbuzarliklarga jazo kuchaytiriladi

Jinoyat kodeksida elektr, issiqlik energiyasidan, gaz va suv o‘tkazgichdan foydalanish qoidalarini buzganlik uchun jazo kuchaytirilishini ko‘zda tutuvchi qonun qabul qilindi.

29.10.2025 | 21:04

«Paxtakor» mojaroli o‘yinda 14-marta O‘zbekiston Kubogini qo‘lga kiritdi

«Paxtakor» jamoasi finalda «Buxoro»ni 1:0 hisobida mag‘lub etib, 14-marta O‘zbekiston Kubogi sohibi bo‘ldi. Ammo o‘yin yakunida bekor qilingan gol va maydondagi janjal musobaqaga soya soldi.