O‘zbekiston limon eksport qilishda Rossiyani asosiy bozorga aylantirdi

Ma’lumotlarga ko‘ra, Rossiyaga 964 tonna limon yetkazib berilgan bo‘lib, bu jami eksport hajmining qariyb 70 foizini tashkil etadi. Bu holat Rossiya iste’mol bozorida O‘zbekiston limoniga bo‘lgan talab yuqori ekanini ko‘rsatmoqda. Shuningdek, Qozog‘istonga 339 tonna, Qirg‘iz Respublikasiga esa 56 tonna limon eksport qilindi. So‘nggi yillarda O‘zbekiston qishloq xo‘jaligi mahsulotlari, jumladan sitrus mevalar eksportini diversifikatsiya qilish va tashqi bozorda raqobatbardoshligini oshirishga alohida e’tibor qaratmoqda. Mamlakatda limon yetishtirish hajmi ortishi bilan birga, eksport geografiyasi ham kengayib bormoqda.