O‘zbekistonlik turistlar ko‘proq qaysi davlatlarga sayohat qilmoqda?

O‘zbekiston Milliy statistika agentligi ma’lumotiga ko‘ra, yanvar–aprel oylarida 2 mln 116,9 ming nafar fuqaro xorijiy sayohatga chiqqan. Bu o‘tgan yilning shu davriga nisbatan 404,5 ming kishiga ko‘pdir. Eng ommabop yo‘nalishlar orasida Qirg‘iziston birinchi o‘rinda turibdi — 899 ming sayohat amalga oshirilgan. Tadjikistonga 388,4 ming, Qozog‘istonga esa 354,9 ming sayohat qayd etilgan. Shuningdek, quyidagi yo‘nalishlar ham kuzatilmoqda: – Saudiya Arabistoni — 133,6 ming – Rossiya — 93,9 ming – Turkiya — 64,2 ming – Birlashgan Arab Amirliklari — 58,8 ming – Misr — 22,4 ming – Tailand — 15,4 ming – Viyetnam — 11,4 ming – Boshqa mamlakatlar — 74,6 ming Tahlilchilar fikricha, qo‘shni davlatlarga sayohat hali ham ustuvor bo‘lib turibdi. Biroq Saudiya Arabistoni, Turkiya va Osiyo mamlakatlari kabi uzoq yo‘nalishlarga bo‘lgan qiziqish ham tobora oshib bormoqda. Bu tendensiya O‘zbekiston fuqarolari o‘rtasida xalqaro sayohat imkoniyatlari kengayib borayotganini ko‘rsatadi.