Ўзбекистонликлар 15 сентябрдан Таиландга визасиз боролмайди

Bugun 20:172 daqiqa

Таиландга саёҳат қилувчи ўзбекистонликлар учун амалдаги 60 кунлик визасиз қолиш тартиби ўзгаради. Ҳукумат янги рўйхатни эълон қилди.

Ўзбекистонликлар 15 сентябрдан Таиландга визасиз боролмайди

Таиланд ҳукумати 92 та давлат, хусусан, Ўзбекистон фуқаролари учун амал қилаётган 60 кунлик визасиз режимни ўзгартиради. Янги тартиб 15 сентябрдан кучга киради. Бу ҳақда «Bangkok Post» хабар берди.

Янги рўйхатда 60 та давлат бор, улар Таиландда 30 кунгача визасиз кира олади. Ўзбекистон мазкур рўйхатга киритилмаган.

«Royal Gazette»да эълон қилинган ҳужжатга кўра, ўзгариш Бош вазир ва ички ишлар вазири Анутин Чарнвиракул томонидан имзоланган.

Янги рўйхат

Янги 30 кунлик визасиз режим рўйхатига 60 та давлат киритилган. Улар орасида Австралия, Канада, Германия, Франция, Ҳиндистон, Япония, Туркия, Украина, Буюк Британия, АҚШ ва Қирғизистон бор.

Марказий Осиё давлатлари орасида ушбу рўйхатдан фақат Қирғизистон ўрин олган. Қозоғистон, Тожикистон, Туркманистон ва Ўзбекистон янги визасиз рўйхатга киритилмаган.

Қуруқлик орқали кирадиган 60 давлат фуқаролари учун яна бир чеклов жорий этилади. Улар Таиландга бир йил давомида икки мартадан ортиқ қуруқлик чегаралари орқали визасиз кира олмайди.

Бироқ Малайзия, Бруней, Индонезия ва Сингапур фуқаролари каби айрим давлатлар учун истиснолар қўлланилиши мумкин.

Виза олиш тартиби

Таиланднинг янги қоидаларида Сейшел ва Маврикий фуқаролари учун 15 кунгача визасиз қолиш имконияти ҳам белгиланган.

Озарбойжон, Беларус ва Сербия фуқаролари эса Таиландга келганида чегара назорат пунктларида виза олиши мумкин бўлади.

Таиланд 2024 йил июлида визасиз қолиш муддатини 30 кундан 60 кунга оширган ва ушбу имтиёздан фойдаланиши мумкин бўлган давлатлар сонини 93 тага етказган эди.

Бироқ ҳукумат узоқроқ визасиз қолиш тартибидан ноқонуний фаолият ва «виза-ран» амалиёти учун фойдаланиш ҳолатлари кўпайганини билдирган. Шу сабабли визасиз қолиш муддати яна 30 кунга қисқартирилмоқда.

Teglar

виза туризм Қирғизистон Таиланд саёҳат Ўзбекистон

Mavzuga oid

Bugun 08:30

Шавкат Мирзиёев ўқувчилар ва устоз-мураббийларни Билимлар куни билан табриклади

Президент Билимлар куни муносабати билан йўллаган табригида таълим тизимидаги ислоҳотларни давом эттириш, мактаб ўқувчиларига замонавий касб-ҳунар ўргатиш ва ҳудудларда «Касблар шаҳарчалари»ни ташкил этиш режалари ҳақида маълум қилди.

Bugun 19:25

Ҳафта охиригача ҳаво ҳарорати +25 даражагача пасаяди

3-4-сентябр кунлари Ўзбекистоннинг айрим жойларида қисқа муддатли ёмғир ёғиши, момақалдироқ кузатилиши мумкин.

Kecha 16:06

Шавкат Мирзиёев Си Жинпингнинг сунъий интеллект бўйича глобал ташкилот тузиш ташаббусини қўллаб-қувватлади

Бишкекдаги ШҲТ саммитида бир нечта ҳукумат вакиллари сунъий интеллект, сув ва энергетика хавфсизлиги, транспорт ҳамда Афғонистон бўйича ҳамкорликни кучайтиришга қаратилган қатор ташаббусларини муҳокама қилди.

Kecha 18:55

«ШҲТ плюс» доирасида инвестиция, технология ва таълим бўйича янги платформалар яратилади

Шавкат Мирзиёев «ШҲТ плюс» доирасида юқори технологиялар, инвестициялар ва таълим соҳаларида ҳамкорликни кучайтиришга қаратилган қатор янги ташаббусларни илгари сурди.

Bugun 16:28

Ўзбекистонда нақд валютани декларациясиз олиб чиқиш лимити оширилиши мумкин

Ўзбекистонда нақд миллий ва хорижий валютани божхона декларациясисиз олиб чиқиш лимити 10 минг доллар эквивалентигача оширилиши режалаштирилмоқда. Ҳозирда бу чегара 100 млн сўмни ташкил этади.

Bugun 18:19

246 триллион сўмлик хуфиёна иқтисодиёт: Ўзбекистонда бизнес тўлиқ хатловдан ўтказилади

Президент Шавкат Мирзиёевга тақдим этилган миллий статистика ислоҳоти доирасида носоғлом рақобатга барҳам бериш мақсадида 15 октябрдан 30 ноябргача республика бўйлаб бизнес субъектлари хатловдан ўтказилади.