Prezidentga maslahatchilar tayinlandi: Sardor Umrzoqov strategik rivojlanish bo‘yicha maslahatchi bo‘ldi
14.07.2025 | 17:5036434
O‘zbekiston Respublikasi Prezidentining tegishli farmoni bilan bir qator maslahatchilar tayinlandi. Ularning orasida Prezident Administratsiyasining sobiq rahbari Sardor Umrzoqov ham bor.
O‘zbekiston Respublikasi Prezidentining matbuot kotibi xabariga ko‘ra, Prezidentning tegishli farmoni bilan quyidagilar yangi maslahatchi lavozimlariga tayinlandi va ilgarigi lavozimidan ozod etildi:
Abdulaziz Hafizovich Komilov — O‘zbekiston Respublikasi Prezidentining tashqi siyosat bo‘yicha maslahatchisi lavozimiga tayinlandi va shu munosabat bilan O‘zbekiston Respublikasi Prezidentining tashqi siyosat masalalari bo‘yicha maxsus vakili lavozimidan ozod etildi;
G‘ofurjon G‘aniyevich Mirzayev — O‘zbekiston Respublikasi Prezidentining kadrlar bo‘yicha maslahatchisi lavozimiga tayinlandi va shu munosabat bilan O‘zbekiston Respublikasi Prezidentining kadrlar siyosati masalalari bo‘yicha maslahatchisi – O‘zbekiston Respublikasi Prezidenti huzuridagi Davlat xizmatini rivojlantirish agentligi direktori lavozimidan ozod etildi;
Ravshan Ayubovich G‘ulomov — O‘zbekiston Respublikasi Prezidentining iqtisodiy siyosat bo‘yicha maslahatchisi lavozimiga tayinlandi va shu munosabat bilan O‘zbekiston Respublikasi Prezidentining iqtisodiy rivojlanish masalalari bo‘yicha maslahatchisi lavozimidan ozod etildi;
Sardor O‘ktamovich Umrzoqov — O‘zbekiston Respublikasi Prezidentining strategik rivojlanish bo‘yicha maslahatchisi lavozimiga tayinlandi va shu munosabat bilan O‘zbekiston Respublikasi Prezidentining maxsus topshiriqlar bo‘yicha maslahatchisi lavozimidan ozod etildi;
Mansurbek Polvonzoda Olloyorov — O‘zbekiston Respublikasi Prezidentining ijtimoiy himoya bo‘yicha maslahatchisi – Ijtimoiy himoya milliy agentligi direktori lavozimiga tayinlandi va shu munosabat bilan O‘zbekiston Respublikasi Prezidentining maslahatchisi – Ijtimoiy himoya milliy agentligi direktori lavozimidan ozod etildi;
Ruslanbek Quroltayevich Davletov — O‘zbekiston Respublikasi Prezidentining vakillik organlari, nodavlat notijorat tashkilotlari, din va yoshlar masalalari bo‘yicha maslahatchisi lavozimiga tayinlandi va shu munosabat bilan O‘zbekiston Respublikasi Prezidentining ijtimoiy-siyosiy, diniy-ma’rifiy va yoshlar masalalari bo‘yicha maslahatchisi lavozimidan ozod etildi.
Avvalroq Prezident Administratsiyasi rahbariga besh nafar o‘rinbosar va kotibiyat mudiri tayinlangani haqida xabar berilgan edi.
