PSJ g‘alabasidan so‘ng Fransiyada tartibsizliklarda ikki kishi halok bo‘ldi

«Pari Sen-Jermen» klubi ilk bor UEFA Chempionlar Ligasini yutib, Fransiyada ommaviy xursandchilikka sabab bo‘ldi. Biroq bayramlar ortidan mamlakatning turli shaharlarida noxush holatlar ham yuz berdi. Parij, Lion, Marsel va boshqa shaharlarda minglab muxlislar ko‘chalarga chiqib g‘alabani nishonladi. Biroq bayram o‘rniga ba’zi joylarda tartibsizliklar, yonib ketgan avtomobillar va to‘qnashuvlar kuzatildi. Politsiya ma’lumotiga ko‘ra, 250 dan ortiq kishi ushlangan. Fransiya Ichki ishlar vazirligi tarqatgan ma’lumotga ko‘ra politsiya va namoyishchilar o‘rtasidagi to‘qnashuvlar chog‘ida ikki kishi halok bo‘lgan. Halok bo‘lganlardan biri Marselda politsiyadan qochish chog‘ida avtomashinasi bilan yo‘ldan chiqib ketgan, ikkinchisi esa Parijda namoyish payti halok bo‘lgani aytilmoqda. Jamoat tartibini saqlash uchun mamlakat bo‘ylab minglab politsiyachi jalb qilindi. Ijtimoiy tarmoqlarda tarqalgan videolarda politsiyaning rezina kaltak va ko‘zni yoshlatuvchi gaz qo‘llayotgani aks etgan. Fransiya hukumati kelgusida bunday bayramlar xavfsizligiga alohida e’tibor qaratilishini ma’lum qildi. PSJ g‘alabasi tarixiy voqea sifatida qayd etilgan bo‘lsa-da, uning oqibatlari jamoatchilikda jiddiy bahslarga sabab bo‘ldi.