Путин ва Трамп қарийб 90 дақиқа телефонда суҳбатлашди
Кеча, 4 июл куни АҚШ мустақиллиги декларациясининг 250 йиллиги муносабати билан иккала давлат раҳбарлари телефон орқали мулоқот қилди. Бу Путин ва Трамп ўртасидаги жорий йилдаги тўртинчи телефон мулоқоти ҳисобланади.
© KollajРоссия Ташқи ишлар вазирлиги берган маълумотга кўра, Россия президенти Владимир Путин ва АҚШ раҳбари Дональд Трамп қарийб 90 дақиқа давомида суҳбатлашган.
Вазирлик ушбу мулоқотни «ишчан ва жуда конструктив» деб баҳолади.
Суҳбат аввалида Владимир Путин Дональд Трампни ва бутун Америка халқини АҚШ мустақиллиги декларациясининг 250 йиллиги билан шахсан табриклаган. Шундан сўнг раҳбарлар Украина инқирозига тўхталишган. Унда Дональд Трамп Украинадаги ҳарбий ҳаракатларни иложи борича тезроқ тўхтатишга ёрдам беришга тайёрлигини яна бир бор тасдиқлаган.
Ўз навбатида, Россия томони можарони сиёсий ва дипломатик йўл билан ҳал қилиш афзаллигини эслатиб ўтган, бироқ Киев ва унинг европалик ҳамкорлари урушни узайтириш ҳамда кескинлаштиришга умид қилаётганини таъкидлаган.
Шунингдек, Украина президенти Владимир Зеленский ҳам шанба куни Дональд Трамп билан жуда яхши телефон суҳбати ўтказганини маълум қилган.
