Qoidabuzar haydovchilarga jarimadagi chegirma bekor qilinishi mumkin
O‘zbekistonda yo‘l harakati qoidalarini tizimli ravishda buzadigan haydovchilar uchun jarimani chegirma bilan to‘lash imkoniyati bekor qilinishi rejalashtirilmoqda.
Ichki ishlar vazirligi jamoatchilik muhokamasiga yangi qonun loyihasini kiritdi. Unda tezlikni me’yoridan muntazam oshirish, svetoforning qizil chirog‘idan o‘tish yoki qarshilik yo‘lagini buzish holatlari uchun imtiyozli to‘lov tizimini bekor qilish ko‘zda tutilgan.
Taklifga ko‘ra:
— bir oy ichida besh marta belgilangan tezlikni 40–60 km/h dan oshirgan;
— ikki marta qizil chiroqda yo‘lni kesib o‘tgan;
— harakatni tartibga soluvchi ishoralariga bo‘ysunishdan bosh tortgan haydovchilar imtiyozdan mahrum bo‘ladi.
Shuningdek, ikki marta qarshilik yo‘lagidan chiqib ketgan yoki avariyaviy vaziyat yuzaga keltirgan haydovchilar ham ushbu toifaga kiradi.
Vazirlik ma’lumoticha, bunday cheklovlar qonunchilikka kiritilsa, og‘ir oqibatlarga olib keladigan yo‘l-transport hodisalari soni sezilarli kamayishi kutilmoqda. Chunki chegirma imkoniyati ba’zi haydovchilarda mas’uliyatsizlikka olib kelayotgani ta’kidlanmoqda.
Mutaxassislar fikricha, tashabbus qabul qilinsa, intizomsiz haydovchilarga nisbatan nazorat kuchayib, jamoat xavfsizligi darajasi oshishi mumkin.
Avvalroq tunu-kun faoliyat ko‘rsatuvchi ko‘chalarda avtomobillar tezligi 20 km/h gacha cheklanishi mumkinligi haqida xabar bergan edik.
