Rossiyada terrorchilar uchun o‘lim jazosi joriy etilishi taklif qilindi

Rossiyada terrorchilik bilan bog‘liq jinoyatlar uchun o‘lim jazosini qayta joriy etish masalasi yana kun tartibiga chiqdi. Bu taklif bilan Federal dumaning «Adolatli Rossiya — Haqiqat uchun» partiyasi rahbari Sergey Mironov chiqdi. Mironov o‘z bayonotida terrorchilik aktlarini amalga oshirganlarga nisbatan jazo eng qat’iy va adolatli bo‘lishi kerakligini ta’kidladi. Uning so‘zlariga ko‘ra, bu kabi qotillar faqat o‘lim jazosini munosib deb hisoblash mumkin. Shuningdek, u fraksiya bir necha bor bunday talab bilan chiqqanini va bu yo‘nalishda harakatni davom ettirishlarini bildirdi. Mironov fikricha, Ukraina prezidenti Volodimir Zelenskiy boshchiligidagi hozirgi tuzum «noinson va dahshatli harakatlar» orqali o‘z mohiyatini ochib berayotganini qayd etdi. U Ukraina mojarosining ildizlari butunlay yo‘q qilinishi, mamlakatning neytral maqomi kafolatlanishi zarurligini ta’kidladi. Biroq bu masalada huquqiy to‘siqlar mavjud. Rossiya Konstitutsiyaviy sudi raisi Valeriy Zorkinning ta’kidlashicha, mamlakatda o‘lim jazosini faqat yangi konstitutsiya qabul qilinsa, joriy etish mumkin. Boshqa holda bu amaliyot mumkin emas. Shuningdek, 31 may kuni Rossiyaning Bryansk oblastida «Klimov — Moskva» yo‘nalishidagi poyezd harakatlanayotgan vaqtda ko‘prik qulab tushgani va fojea oqibatida 7 kishi halok bo‘lib, 66 kishi jarohat olgani ma’lum qilindi. 1 iyunga o‘tar kechasi esa Kursk oblastida yana bir temiryo‘l ko‘prigi qulab tushgan.