Сентябрдан иш ҳақи ва стипендиялар 7 фоизга оширилади

Bugun 17:501 daqiqa

1 июлдан пенсия ва нафақалар, 1 сентябрдан эса иш ҳақи ҳамда стипендиялар 7 фоизга оширилади. Шунингдек, энг кам иш ҳақи, базавий ҳисоблаш миқдори ва ижтимоий тўловларнинг янги миқдорлари тасдиқланди.

Сентябрдан иш ҳақи ва стипендиялар 7 фоизга оширилади

Ўзбекистонда пенсия, нафақа, иш ҳақи ва стипендиялар миқдори оширилади. Бу Президентнинг 23 июнь куни қабул қилинган ПФ–115-сонли фармонида белгиланди.

Фармонга кўра, 2026 йил 1 июлдан пенсиялар, нафақалар, шунингдек, Ижтимоий реестрга киритилган оилаларга тўланадиган болалар нафақаси ва моддий ёрдам миқдори 7 фоизга оширилади.

Шундан сўнг:

• ёшга доир энг кам пенсия миқдори ойига 983 минг сўмни;
• ногиронлик пенсияларининг энг кам миқдори ойига 1 млн 83 минг сўмни ташкил этади.

Ижтимоий реестрга киритилган оилалар учун болалар нафақаси қуйидаги миқдорларда белгиланди:

• 3 ёшгача бўлган битта фарзанд учун — 386 минг сўм;
• 3 ёшдан 18 ёшгача бўлган битта фарзанд учун — 295 минг сўм;
• иккинчи фарзанд учун қўшимча — 177 минг сўм;
• учинчи ва ундан кейинги ҳар бир фарзанд учун қўшимча — 118 минг сўм.

Шунингдек, Ижтимоий реестрга киритилган оилаларга бериладиган моддий ёрдамнинг ойлик миқдори 450 минг сўм этиб белгиланди.

Фармонга мувофиқ, 2026 йил 1 сентябрдан бюджет ташкилотлари ходимларининг иш ҳақи ҳамда талабалар стипендиялари ҳам 7 фоизга оширилади.

Бундан ташқари:

• 1 июлдан пенсияни ҳисоблашнинг базавий миқдори 504 минг сўм этиб белгиланади;
• 1 сентябрдан меҳнатга ҳақ тўлашнинг энг кам миқдори 1 млн 360 минг сўмга етказилади;
• базавий ҳисоблаш миқдори эса 440 минг сўм этиб белгиланади.

Фармон билан аҳолининг ижтимоий ҳимоясини кучайтириш ва фуқаролар даромадларини қўллаб-қувватлаш мақсад қилинган.

Teglar

стипендия нафақа пенсия иш ҳақи

Mavzuga oid

Bugun 00:02

Асосий пулини таълим ва таъмирга сарфлаётган аҳоли, фаолияти тўхтатилган 500 га яқин «заправка» ҳамда Янги Тошкентгача қуриладиган метро — 22 июн дайжести

Кун давомида Ўзбекистонда юз берган воқеалар ва ҳодисалар, ёритилган янгиликлар ва хабарларнинг энг муҳимларини яна бир бор эсга оламиз.

Bugun 12:25

Наманган аэропортида 2026 йил якунига қадар янги йўловчи терминали ишга туширилади

Майдони 22,6 минг квадрат метр бўлган уч қаватли терминал бир вақтнинг ўзида соатига 1,2 минг нафар, йилига эса 3 миллиондан ортиқ йўловчига хизмат кўрсата олади. Лойиҳа қиймати 175 миллион долларни ташкил этади.

Kecha 18:55

Даромад ва харажат: Ўзбекистонликлар нимага кўпроқ пул сарфламоқда?

Ҳар тўрт ўзбекистонликдан учтаси яқин ойларда харажатлари яна ошишини кутмоқда. Аҳоли даромадлари ўсиб бораётган бўлса-да, маблағларнинг катта қисми таълим, уй-жой таъмири ва кундалик эҳтиёжларга кетмоқда.

Kecha 21:36

Кредит олган одам вафот этса, қарзга нима бўлади?

Кредит олган шахснинг вафот этиши банк олдидаги қарзни автоматик равишда бекор қилмайди. Бироқ бу қарз марҳумнинг турмуш ўртоғи, фарзандлари ёки бошқа яқинлари зиммасига шунчаки қариндош бўлгани учун ўтмайди. Қарзнинг кейинги тақдири мерос таркиби, кредит таъминоти, суғурта, кафиллик ва шартномада бошқа қарздорлар мавжудлигига қараб белгиланади.

Kecha 19:35

«Айдаркўл» дам олиш маскани 30 млн долларга сотувга қўйилди

Дам олиш масканига 100 фоизлик улуш билан «Миллий банк» эгалик қилади.

Kecha 22:19