Soliq imtiyozlari: parrandachilik va bolalar oromgohlari qo‘llab-quvvatlanadi

19.05.2025 | 10:1522662

O‘zbekistonda yangi qabul qilingan Qonunga muvofiq, ayrim tadbirkorlik sub’ektlari uchun soliq imtiyozlari joriy etildi. Bu boradagi qonun 2025 yil 16 mayda tasdiqlandi.

Soliq imtiyozlari: parrandachilik va bolalar oromgohlari qo‘llab-quvvatlanadi

Jumladan, 2030 yil 1 yanvargacha parrandachilik mahsulotlari ishlab chiqaruvchi korxonalar yuridik shaxslardan olinadigan yer solig‘idan ozod qilindi. Bu chora agrosanoat sohasida faoliyat yuritayotgan bizneslarga soliq yukini yengillashtirishga qaratilgan. Shuningdek, 2027 yil 1 yanvargacha O‘zbekiston kasaba uyushmalari federatsiyasi tizimidagi statsionar bolalar oromgohlari uchun qator imtiyozlar beriladi. Ular ijaradan olinadigan daromadlari bo‘yicha foyda solig‘i, ijaradagi bino va yer uchastkalari bo‘yicha mol-mulk hamda yer solig‘idan ozod etiladi. Yana bir yangilik sifatida, pivo va tamaki mahsulotlari bilan chakana savdo qiluvchi tadbirkorlar uchun maxsus yig‘im joriy etildi. Bu yig‘imni to‘lash uchun tadbirkorlar vakolatli organ tomonidan berilgan tasdiqnomaga ega bo‘lishlari shart. Mazkur Qonun rasman e’lon qilingan kundan boshlab amal qiladi.

Teglar

qonunchilik soliq imtiyozi biznes parrandachilik kasaba uyushma

Mavzuga oid

Kecha 16:25

Senat xavfli pirotexnika buyumlarini muomaladan chiqarish haqidagi qonunni ma’qulladi

Yangi qonunga ko‘ra, O‘zbekistonda pirotexnika buyumlari xavflik darajasiga ko‘ra besh toifaga ajratiladi. Faqat xavfsizligi yuqori bo‘lgan I toifadagi buyumlar — bengal mayoqchalari, stol fontanlari va xlopushkalar erkin muomalada bo‘ladi, qolgan barcha pirotexnika vositalari fuqarolar uchun taqiqlanadi.

31.10.2025 | 10:11

Rivojlangan va rivojlanayotgan davlatlar valyutalari tobora bir yo‘nalishda harakatlanmoqda

Rivojlangan va rivojlanayotgan bozorlar valyutalari o‘rtasidagi bog‘liqlik 4 yillik maksimalga yetdi. Bu siyosiy xavflar rivojlangan davlatlarga ham ta’sir etayotganini ko‘rsatmoqda.

27.10.2025 | 09:55

O‘zbekistonda bank aktivlari 866,8 trln so‘mga yetdi

Markaziy bank ma’lumotlariga ko‘ra, tijorat banklari aktivlari 2025 yil 1 oktyabr holatiga ko‘ra 866,8 trln so‘mni tashkil etdi. Bu o‘tgan yilga nisbatan 17 foizga, real hisobda esa 20 foizga ko‘pdir.

29.10.2025 | 10:25

Bugun qaysi banklarda dollar ayirboshlash qulayroq?

O‘zbekistonda tijorat banklari 29 oktyabr kuni uchun amalda bo‘ladigan dollarning yangi ayirboshlash kursini e’lon qildi.

29.10.2025 | 10:00

Talabalarga uyini ijaraga bergan fuqarolar 9 oyda 44 mlrd so‘mlik soliq imtiyozi oldi

2025 yilning yanvar–sentyabr oylari davomida soliq organlarida 584 mingdan ortiq ijara shartnomasi rasmiy ro‘yxatga olingan. Ushbu shartnomalar bo‘yicha jami 828,7 milliard so‘m miqdorida soliq hisoblangan.

27.10.2025 | 15:45