Tojikistonda folbin va sehrgarlarga borganlar uchun ham jarima qo‘llanishi mumkin

19.08.2025 | 17:156822

Tojikiston hukumati folbin va sehrgarlar xizmatidan foydalangan fuqarolarga ham ma’muriy jazo belgilashni taklif qildi. Jarima 81 dollargacha yetishi mumkin.

Tojikistonda folbin va sehrgarlarga borganlar uchun ham jarima qo‘llanishi mumkin

ASIA-Plus xabariga ko‘ra, hukumat parlamentga Ma’muriy javobgarlik to‘g‘risidagi kodeksga tegishli o‘zgartish kiritish taklifi bilan chiqdi. Agar taklif ma’qullansa, folbin va sehrgarlarga tashrif buyurgan mijozlar 750 somoniygacha jarima to‘laydi. Shu bilan birga, ezoterik faoliyat bilan shug‘ullanganlik uchun jazo ham kuchaytirildi. Endilikda folbin va sehrgarlar 6000–7500 somoniy (631–789 dollar) miqdorida jarimaga tortilishi mumkin. Tojikiston rasmiylari so‘nggi bir yilda bunday faoliyatga qarshi kurashni kuchaytirdi. O‘tgan yil yozida Ichki ishlar vazirligi mijozlarni hokimiyat idoralariga chaqirish va ularning ismlari hamda fotosuratlarini ma’lumotlar bazasiga joylashtirishni boshlagandi. Bu choralar ularning mijozlarini kamaytirish va faoliyatiga chek qo‘yish maqsadida amalga oshirilmoqda. Ichki ishlar vazirligi ma’lumotlariga ko‘ra, faqat 2025 yilning yanvar-iyun oylarida folbinlik va sehrgarlik bilan shug‘ullanishning 495 ta holati aniqlangan. Bu mamlakatda ezoterik xizmatlar keng tarqalganini ko‘rsatadi.

Teglar

Tojikiston jarima Ichki ishlar vazirligi Ma’muriy javobgarlik kodeksi folbinlik sehrgarlik

Mavzuga oid

27.10.2025 | 22:30

Qirg‘iziston somga bog‘langan milliy steyblkoinni ishga tushirdi

Loyiha xalqaro kriptobozorlarga chiqishi kutilmoqda.

28.10.2025 | 21:00

Armaniston Rossiyaga keskin javob qaytardi

«Biz Rossiyaga Armanistonni qanday qutqarishni ko‘rsatishiga yo‘l qo‘ymaymiz», - deya Armaniston rasmiylari Rossiyaning xavfsizlik bo‘yicha ko‘rsatmalariga qarshi chiqdi.

28.10.2025 | 21:40

Mirzaobod tumani sobiq hokimi jinoiy javobgarlikka tortildi

Sardoba fojeasidan keyin uy-joy taqsimotida qonunbuzarlik sodir etgan Mirzaobod tumani sobiq hokimi Jonibek Yariyevga nisbatan chiqarilgan sud hukmi o‘z kuchida qoldirildi.

Kecha 18:45

Putin hokimiyatda 97 yoshgacha qolishni rejalashtirmoqda — Daily Star

Rossiya prezidenti Vladimir Putin hokimiyatni 2050 yilgacha saqlab qolishni niyat qilgan. OAV manbalarga ko‘ra, u shunda 97 yoshga to‘ladi va so‘ngra hokimiyatni o‘g‘liga topshirishi mumkin.

01.11.2025 | 08:30

Pentagon Ukrainaga Tomahawk raketalarini berishga ruxsat berdi

AQSH Mudofaa vazirligi Kiyevga Tomahawk qanotli raketalarini yetkazib berishni ma’qulladi. Endi yakuniy qarorni prezident Donald Tramp qabul qiladi.

01.11.2025 | 10:55

M chechak virusining yangi 1b varianti Afrikadan tashqariga tarqaldi — JSST

Jahon sog‘liqni saqlash tashkiloti ma’lumoticha, M chechak virusining xavfli 1b shtammi Italiya, Malayziya, Niderlandiya, Portugaliya, Ispaniya va AQSHda aniqlangan.