Toshkentda O‘zbekiston — Qatar o‘yini munosabati bilan yo‘llar vaqtincha yopiladi
09.06.2025 | 10:0015232
10 iyun kuni Toshkentda futbol bo‘yicha Jahon chempionati saralash bosqichi doirasidagi O‘zbekiston — Qatar uchrashuvi munosabati bilan Bunyodkor stadioni atrofidagi ayrim yo‘llar vaqtincha yopiladi. Bu haqda Ichki ishlar vazirligi ma’lum qildi.
Yo‘llar soat 16:00 dan vaqtincha yopiladi. Harakat cheklanadigan hududlar quyidagilar:
Chilonzor va Cho‘ponota ko‘chalari chorrahasidan Cho‘ponota – Qatortol chorrahasigacha;
Chilonzor va KXAY ko‘chalari chorrahasidan Muqimiy ko‘chasi chorrahasigacha;
Bunyodkor 2-darajali ko‘chasi — KXAYdan Muqimiy ko‘chasigacha;
Alisher Navoiy va Furqat ko‘chalari chorrahasidan;
Sebzor — Ganga ko‘prigi orqali Furqat ko‘chasi tomon tushish qismi;
Zarqaynar ko‘chasidan tunelga tushish qismi;
Bunyodkor ko‘chasining Kamolon ko‘prigi osti qismi;
Ozarboyjon elchixonasi asosiy yo‘lga chiqish qismi;
Qatortol – Cho‘ponota, Bunyodkor – KXAY, Bunyodkor – G‘avhar, Chilonzor – Cho‘ponota va TXAY – Bunyodkor chorrahalari;
Bunyodkor 2-darajali yo‘li – Qatortol chorrahasi;
Erkin YPX maskanidan og‘ir yuk mashinalarining harakati ham cheklanadi;
Cho‘ponota — Shota Rustaveli chorrahasi.
Ichki ishlar vazirligi fuqarolardan harakatni oldindan rejalashtirish va muvaqqat yo‘l yopilishlariga tayyor turishni so‘ragan.
