Tramp hozircha Ukrainaga «Tomahawk» raketalarini berishni rejalashtirmayapti

AQSH prezidenti Donald Tramp Ukrainaga «Tomahawk» turidagi qanotli raketalarni yetkazib berish imkoniyatini hozircha ko‘rib chiqmayotganini bildirdi. Bu haqda uning so‘zlarini xorijiy OAVlar keltirmoqda.

Palm-Bichdan Vashingtonga parvoz vaqtida birinchi raqamli bort sahnida Oq uy pulidagi jurnalistlardan biri undan Ukrainaga «Tomahawk» raketalarini berish bo‘yicha kelishuv bo‘lishi mumkinmi, deb so‘raganda, u: «yo‘q, unchalik emas», — deya javob bergan

Shu bilan birga, Donald Tramp o‘z fikrini keyin o‘zgartirishi ham mumkinligini qo‘shimcha qilgan.

Avvalroq Tramp bu masala haqida ochiq gapirgan edi. Uning ta’kidlashicha, Ukraina prezidenti Volodimir Zelenskiy Kiyev harbiy arsenalida «Tomahawk» raketalarini ko‘rishni istaydi. Ushbu raketalarning parvozi taxminan 2500 kilometrni tashkil etadi — bu Rossiyaning ichkari hududlariga, jumladan Moskvagacha bo‘lgan masofani qamrab oladi.

Mazkur g‘oya 22 oktyabr kuni Trampning NATO bosh kotibi Mark Ryutte bilan Oq uyda bo‘lib o‘tgan uchrashuvida muhokama qilingan. Keyin Ryutte bu masala ko‘rib chiqilayotganini va qarorni AQSH qabul qilishi ma’lumotini bergan.

Prezidentning so‘zlari Ukraina qurolli kuchlarining Donetsk oblastidagi Pokrovsk shahrida davom etayotgan og‘ir janglar haqidagi xabarlar fonida yangradi. Ukraina qo‘mondoni Oleksandr Sirskiyning ma’lum qilishicha, ukrain qo‘shinlari ko‘p sonli Rossiya bo‘linmalariga qarshi turibdi.

So‘nggi ma’lumotlarga ko‘ra, ruslar shaharning qariyb 60 foizini egallab bo‘lgan. Ukraina esa asosiy ta’minot yo‘llarini himoya qilish uchun maxsus tayyorgarlikdan o‘tgan elita bo‘linmalar frontga yo‘naltirilgan.