Tramp: «Putindan faqat behuda gap eshityapmiz»
AQSH prezidenti Donald Tramp Rossiya rahbari Vladimir Putinning so‘zlarini tanqid qilib, ularni «behuda» deb atadi. Uning bayonoti Oq uyning rasmiy YouTube kanali orqali jonli efirda namoyish etildi.
«Biz Putindan ko‘p behuda gaplarni eshityapmiz. Bu gaplar avvaliga yaxshi eshitiladi, lekin oxirida hech qanday ma’no qolmaydi», - dedi Tramp o‘z nutqida.
Shuningdek, Amerika prezidenti BRIKS ittifoqiga a’zo davlatlardan olib kiriladigan tovarlarga 10 foiz miqdorida import boji joriy etilishini ma’lum qildi. Uning so‘zlariga ko‘ra, bu chora AQSH iqtisodiyotini himoya qilish va xalqaro savdoda tenglikni ta’minlash maqsadida ko‘rilmoqda.
