Ukrainada asir tushgan shimoliy koreyaliklar Seuldan panoh so‘radi

Bugun 10:554252

Rossiya safida Ukrainaga qarshi jang qilgan ikki shimoliy koreyalik askar asirga tushgach, ularni Janubiy Koreyaga topshirishni iltimos qilgan. Ular o‘z vataniga qaytishdan qo‘rqmoqda.

Ukrainada asir tushgan shimoliy koreyaliklar Seuldan panoh so‘radi

Germaniyaning Deutsche Welle nashri yozishicha, Ukrainada asirga tushgan ikki shimoliy koreyalik jangchi ukrain harbiylaridan ularni Seul hukumatiga topshirishni so‘ragan. Ular bu iltimosni hujjatli film uchun berilayotgan suhbat paytida bildirgan. Suhbat Janubiy Koreyaning «Gyeore-eol Nation United» inson huquqlari tashkiloti ishtirokida o‘tkazilgan.

Ma’lumotlarga ko‘ra, asirlardan biri shu yilning fevral oyida Janubiy Koreya Milliy Assambleyasi vakili Yu Yon-vyon orqali ham shunday iltimos bilan chiqqan. Deputat o‘z sahifasida askar bilan suhbat lavhalarini e’lon qilgan edi.

Janubiy Koreya razvedka xizmati ma’lum qilishicha, Shimoliy Koreya harbiylariga asirga tushmaslik uchun o‘z jonlariga qasd qilish buyrug‘i beriladi. jarohat olganlar esa granata bilan o‘zini portlatishga majbur qilinadi. Sentyabr oyidagi ma’lumotlarga ko‘ra, Ukrainadagi janglarda 2 mingga yaqin shimoliy koreyalik askar halok bo‘lgan.

Ukraina va G‘arb razvedka xizmatlari ma’lumotlariga ko‘ra, 2024 yil davomida Pxenyan Rossiyaga 10 mingga yaqin askar yuborgan. Shuningdek, u Rossiyani qurol-yarog‘ va harbiy texnika bilan ta’minlab kelmoqda. Ukraina harbiy razvedkasi rahbari Kirill Budanovning aytishicha, rus armiyasi ishlatadigan o‘q-dorilarning taxminan 40 foizi Shimoliy Koreyadan keladi. Evaziga esa Shimoliy Koreya Rossiyadan sun’iy yo‘ldoshlar uchirish bo‘yicha texnik yordam va maslahatlar olmoqda, deb hisoblaydi Janubiy Koreya va G‘arb razvedkalari.

Bu ma’lumotlar Pxenyanning Moskva bilan harbiy hamkorligi tobora chuqurlashib borayotganini ko‘rsatadi. Ekspertlar fikricha, bu harakatlar Shimoliy Koreyani xalqaro izolyatsiyani yanada kuchaytiradi.

Teglar

Rossiya Ukraina Janubiy Koreya Shimoliy Koreya Kirill Budanov

Mavzuga oid

30.10.2025 | 09:11

AQSH Federal zaxira tizimi ikkinchi bor foiz stavkasini pastladi

AQSH Federal zaxira tizimi (FZT) 29 oktyabr kuni o‘tkazilgan yig‘ilish natijasiga ko‘ra asosiy foiz stavkasiga yana 0,25 foizlik qisqartirish kiritdi — endi u 3,75–4 foiz darajasida.

29.10.2025 | 09:18

Rossiya iqtisodiyoti uchun 1990-yillardan beri eng yomon inqiroz xavfi — RF MB prognozi

Rossiya Markaziy banki «xavfli ssenariy»da mamlakat iqtisodi ikki yil ketma-ket pasayishini, neft narxi 35 dollarga tushsa va sanksiyalar kuchaysa, inflyatsiya 12 foizgacha chiqishini bashorat qilmoqda.

31.10.2025 | 20:54

Sudandagi qonli qirg‘in davom etmoqda: shifoxonadagi 460 kishi otib o‘ldirildi

Al-Fashirdagi yagona ishlayotgan shifoxona bosib olinib, «Tezkor harakat kuchlari» jangchilari tomonidan bemorlar, ularning yaqinlari va tibbiyot xodimlari ommaviy ravishda otib o‘ldirildi.

28.10.2025 | 11:30

Sanksiyalar ostida qolgan «Lukoil»: Kompaniya xalqaro aktivlarini sotmoqchi

AQSH va YI joriy etgan cheklovlar ortidan «Lukoil» o‘zining xorijdagi aktivlarini sotish niyatida ekanini rasman e’lon qildi. Kompaniya potensial xaridorlardan takliflarni qabul qilmoqda.

29.10.2025 | 10:51

Uitaker: Tramp Rossiyaga qarshi yangi sanksiyalar tayyorlamoqda

AQSHning NATOdagi elchisi Donald Tramp Rossiyaga nisbatan yangi sanksiyalar joriy etishga tayyorgarlik ko‘rayotganini ta’kidladi.

01.11.2025 | 09:30

Rossiya generallari Putinga va’da qilingan front qulashini amalga oshira olmadi

Generallar Vladimir Putinga Ukraina fronti kuzga borib yemirilishini va’da qilgan, ammo noyabr kirib kelgan ekan, Moskva hech qanday sezilarli natijaga erishgani yo‘q.