Ukrainadagi «O‘zbek palovi №1» restorani Rossiya hujumi oqibatida yonib ketdi

2-iyul kuni Rossiyaning Kiyevga uyushtirgan keng ko‘lamli hujumi oqibatida Garmatnaya ko‘chasida joylashgan «O‘zbek palovi №1» restorani butunlay yonib ketdi. Bu haqda ukrainalik jurnalist va teleboshlovchi Konstantin Grubich o‘zining Facebook sahifasida xabar berdi.

Aviahujum vaqti obyektda xodimlar bo‘lmagan. Restoran o‘z faoliyatini Garmatnaya ko‘chasi, 1-uy manzilidagi filialda davom ettirishini bildirdi.

Jurnalist o‘zbek palovini aynan o‘sha yerda birinchi marta tatib ko‘rganini aytib, mubolag‘asiz uni eng yaxshisi deb bilishini urg‘ulagan. Jurnalistning so‘zlariga ko‘ra, u bu muassasaga birinchi marta bir necha yil oldin «1+1 da nonushta» dasturidagi rukni uchun «Grass» serialini suratga olayotgan paytda tashrif buyurgan. Shundan so‘ng, u u yerga bir necha bor qaytib borgan va hatto oilasini restoranga olib kelishni rejalashtirgan, ammo bu tashrifni doimo keyinga qoldirgan.

Eslatib o‘tamiz, avvalroq O‘zbekistonda eng qimmat va eng arzon palov qayerda sotilayotgani haqida yozgan edik.