Vahimaga tushgan Isroil «Global sumud» flotiliyasida qolgan oxirgi kemani ham tutib oldi

Bugun, 3 oktyabr kuni tongda Isroil kuchlari «Global Sumud» flotiliyasida qolgan oxirgi kemani tutib oldi va shu tariqa G‘azo blokadasini buzishga qaratilgan eng yirik dengiz missiyasini to‘xtatdi. Isroil Polshaning Marinet yaxtasini olti ekipaj a’zosi bilan qo‘lga olgan. Kema avvalroq dvigatel muammolari tufayli asosiy guruhdan ortda qolgan edi. Jonli video tasmada Isroil kuchlari G‘azodan taxminan 43 dengiz mili (79 km) uzoqlikda, O‘rta yer dengizida yaxtaga bostirib kirganini ko‘rsatdi. Safar sentabr oyida boshlangan missiyaning yakuniy nuqtasi bo‘ldi: turli davlatlar bayrog‘i ostidagi 40 dan ortiq kemada 500 dan ortiq faollar, jumladan shved iqlim faoli Greta Tunberg, Barselonaning sobiq meri Ada Kolou va Yevropa parlamenti a’zosi Rima Hassan bo‘lgan 40 dan ortiq kemalar Falastin anklaviga jo‘nab ketdi. Hafta o‘rtasidan beri bosqinchi Isroil o‘nlab kemalarni tutib oldi, 40 dan ortiq davlatdan 500 ga yaqin faolni hibsga oldi va ularni so‘roq qilish hamda keyinchalik deportatsiya qilish uchun Isroilga jo‘natdi. Ayrim mahbuslar noqonuniy hibsga olinganiga norozilik sifatida allaqachon muddatsiz ochlik e’lon qilgan. Tashkilotchilar tahdidlarga qaramay, chekinish niyati yo‘qligini ma’lum qildi. Marinet kapitanlaridan biri G‘azoga suzib borishga va’da berdi. Jonli efirda ekipaj 3 oktabr kuni tongda eksklav tomon yo‘l olgani ko‘rsatilgan. Xalqaro suvlarda kemalarni qo‘lga olish BMTning dengiz konvensiyalarini buzish hisoblanadi - Isroil qirg‘oqdan 80 km uzoqlikda kemalarni to‘xtatish huquqiga ega emas edi, chunki uning hududiy suvlari 12 dengiz mili (22 km) bilan cheklangan. BMTning Falastindagi vaziyat bo‘yicha maxsus ma’ruzachisi Francheska Albaneze bu harakatlarni «noqonuniy olib qochish» deb baholadi. Bosqinchilarning ushbu harakati keskin xalqaro norozilikka sabab bo‘ldi. Kolumbiya prezidenti Gustavo Petro Isroil diplomatlarini mamlakatdan chiqarib yubordi va savdo bitimini bekor qildi, Isroilning bu harakatlarini «yangi xalqaro jinoyat» deb atadi. Germaniya, Fransiya, Ispaniya va Irlandiya Tel-Avivdan ushlab olinganlarning huquqlariga rioya qilishni talab etdi. Mazkun «Global sumud» flotiyasi kichkina ko‘ringani bilan hatto G‘azoga oziq-ovqat yetkaza olmasalar ham kemalarning quruq o‘zi G‘azo sohillariga yetib borishi Isroil uchun daxshatli hisoblanadi. Bu degani to‘xtatib qolingan 44 kema o‘rniga bundan keyin yuzlab balki minglab kemalar G‘azoga yetib borishi mumkin. Bu gaplarni ko‘plab siyosatchilar ham qo‘llab-quvvatlamoqda. Turkiya va Yevropa davlatlaridagi faollar bugundan boshlab yanada ko‘proq kemalar bilan G‘azo tomon yo‘lga chiqish harakatlarini boshlab yuborgan.