Xitoy 2030 yilgacha odamni Oyga qo‘ndirish rejasini tasdiqladi
Xitoy rasmiylari mamlakat 2030 yilgacha odamni Oyga qo‘ndirish loyihasi rejali ketayotganini ma’lum qildi. Shuningdek, «Tiangong» orbital stansiyasiga navbatdagi astronavtlar ekipajini yuboriladi.
Jiuchyuan kosmodromida o‘tkazilgan matbuot anjumanida Xitoyning Inson parvozi dasturi matbuot kotibi Jang Jingbo mamlakatning Oyga odam qo‘ndirish loyihasi bosqichma-bosqich amalga oshirilayotganini ta’kidladi. Uning so‘zlariga ko‘ra, «Chanjen-10» (Katta qadam 10) raketa tashuvchisi, Oy yuzasida foydalaniladigan maxsus kiyimlar va tadqiqot transport vositalari bo‘yicha ishlar rejaga muvofiq ketmoqda.
«2030 yilgacha Xitoylikni Oyga qo‘ndirish maqsadimiz aniq va o‘zgarmas», — dedi Jang Jingbo.
Shu bilan birga, mamlakat «Tiangong» («Osmon saroyi») orbital stansiyasidagi ilmiy missiyani davom ettirish uchun navbatdagi astronavtlar guruhini yuborishga tayyorlanmoqda. Har bir ekipaj stansiyada olti oydan xizmat qiladi va turli ilmiy tadqiqotlar olib boradi.
Yangi ekipaj tarkibiga Jang Lu, U Fey va Jang Hongjang kiradi. Ular juma kuni soat 23:44 da Jiuchyuan start maydonidan parvoz qiladi. Chjan Lu ilgari «Shenjou-15» missiyasida qatnashgan bo‘lsa, U Fey va Jang Hongjang uchun bu ilk kosmik parvoz bo‘ladi.
Bu missiya doirasida astronavtlar ikki erkak va ikki urg‘ochi mushuksimon xomyakni ham olib chiqadi — ular orqali vaznsizlik va yopiq muhitning biologik ta’siri o‘rganiladi.
Xitoy «Tiangong» stansiyasini AQSHning xavfsizlik xavotirlari tufayli xalqaro kosmik stansiya loyihasidan chiqarilgandan so‘ng ishlab chiqqan. Mamlakat bu orbital stansiya orqali mustaqil kosmik tadqiqotlar olib borish va global ilmiy hamkorlikda yetakchilik qilishni maqsad qilgan.
