Xitoy Qozog‘istonga Rossiyadan ikki barobar arzonroq AES qurishni taklif qildi

31.05.2025 | 15:0032393

Xitoy Qozog‘istonga atom elektr stansiyasi qurish bo‘yicha Rossiyadan ikki barobar arzon taklif bilan chiqdi. Xitoyning milliy yadro korporatsiyasi (CNNC) ikkita energiya blokidan iborat, umumiy quvvati 2,4 gigavatt bo‘lgan AESni 5,47 mlrd dollarga qurishni taklif qilmoqda. Shuningdek, Xitoy tomoni texnologiyalar bilan o‘rtoqlashish va yadroviy yoqilg‘i siklini to‘liq Qozog‘iston nazoratiga berishga tayyorligini bildirgan.

Xitoy Qozog‘istonga Rossiyadan ikki barobar arzonroq AES qurishni taklif qildi

Ushbu taklif 2025 yil may oyi oxirida Xitoyning yadro xavfsizligi bo‘yicha milliy boshqarmasi rahbari Don Baoton va Qozog‘istonning atom energetikasi agentligi vakili Almasad Satqaliyev o‘rtasidagi uchrashuvda muhokama qilindi. Qozog‘iston tomoni Xitoyning yadroviy va suv-ekologik xavfsizlik sohasidagi tajribasini o‘rganishga qiziqish bildirgan. Avvalroq Qozog‘iston hukumati AES qurish uchun potensial pudratchilar ro‘yxatini tuzgan edi. Unda CNNC bilan bir qatorda Rossiyaning "Rosatom", Janubiy Koreyaning KHNP va Fransiyaning EDF kompaniyalari ham bor. Tanlov iqtisodiy maqsadga muvofiqlik, texnologik ishonchlilik va ekologik xavfsizlik mezonlari asosida amalga oshiriladi. 2024 yil oktyabr oyida Qozog‘istonda AES qurilishi bo‘yicha referendum o‘tkazilib, unda qatnashganlarning 71,12 foizi "ha" deb ovoz bergan. Prezident Qosim-Jo‘mart To‘qayev mamlakatda birinchi AESni 2035 yilgacha ishga tushirishni rejalashtirayotganini ma’lum qildi. Stansiya Almati viloyati Jambil tumanidagi Ulken qishlog‘ida, Balqash ko‘li sohilida qurilishi kutilmoqda. Qozog‘iston uran zaxiralari bo‘yicha dunyoda Avstraliyadan keyin ikkinchi o‘rinda turadi va "Qazatomprom" kompaniyasi 2022 yilda jahon uran ta’minotining 43 foizini ta’minlagan. Mamlakatda avval ham AES faoliyat yuritgan — 1973 yildan 1999 yilgacha Aqtau shahridagi BN-350 reaktori ishlagan, ammo u yadroviy qurol uchun plutoniy ishlab chiqarish imkoniyatiga ega bo‘lgani sababli yopilgan.

Teglar

Xitoy energetika Qozog‘iston AES atom Rosatom

Mavzuga oid

29.10.2025 | 20:10

Modi o‘tirgan kursisi tufayli Tramp bilan uchrashishga jur’at eta olmadi – Bloomberg

Hindiston va AQSH o‘rtasidagi munosabatlar may oyida Hindiston va Pokiston o‘rtasidagi to‘rt kunlik mojarodan so‘ng yomonlashgan.

01.11.2025 | 19:55

Tojikistonda yangi kupyura muomalaga kiritildi

Tojikiston milliy valyutasi — somoni joriy etilganiga 25 yil to‘lishi munosabati bilan mamlakat tarixida ilk bor esdalik banknotasi chiqarildi. Yangi 100 somoniylik kupyura cheklangan miqdorda muomalaga kiritildi va amaldagi banknotalar bilan birga ishlatiladi.

29.10.2025 | 08:38

Gazlashmagan uylar uchun elektr energiyasi bo‘yicha imtiyozlar hali ishlab chiqish jarayonida — Energetika vaziri

Energetika vaziri Jo‘rabek Mirzamahmudov bu borada imtiyozlar bo‘yicha loyiha hali ishlab chiqilayotgani, 2026 yilning mayiga qadar tariflar oshirilmasligini ma’lum qildi.

28.10.2025 | 21:20

Tojikistonda Ismoil Somoniy muzligining katta qismi ko‘chib tushdi

Ushbu muzlik uzunligi taxminan ikki kilometr, balandligi-25 metr, kengligi-150-200 metrga teng bo‘lgan.

Kecha 22:56

Pokiston tez orada o‘zining ilk suv osti kemasiga ega bo‘ladi

Pokiston harbiy-dengiz kuchlari 2026 yilda Xitoyda loyihalashtirilgan ilk suv osti kemasini qabul qilishni rejalashtirmoqda.

31.10.2025 | 15:15

Sadir Japarov Mirziyoyevni UNESCO forumi bilan tabrikladi

Qirg‘iziston prezidenti O‘zbekiston prezidenti va xalqini UNESCO Bosh konferensiyasining 43-sessiyasi Samarqandda o‘tkazilgani bilan tabriklab, bu tadbirni mamlakatning xalqaro nufuzi hamda Markaziy Osiyoning jahon madaniy maydonidagi o‘rni ortib borayotganining yorqin dalili sifatida baholadi.