Yengil sanoat korxonalarining qator xarajatlarini davlat qoplab beradi

Bugun 12:52401

Hukumat qarori bilan yengil sanoat korxonalarini xalqaro brendlar bilan hamkorlik va mutaxassislar tayyorlash xarajatlarini qoplash orqali rag‘batlantirish mexanizmlari joriy qilindi.

Yengil sanoat korxonalarining qator xarajatlarini davlat qoplab beradi

Hukumatning 2025 yil 17-noyabrdagi 729-sonli qarori bilan yengil sanoat korxonalarini moliyaviy qo‘llab-quvvatlash bo‘yicha nizom tasdiqlandi.

Unga ko‘ra, moliyaviy qo‘llab-quvvatlash Yengil sanoatni rivojlantirish agentligi qoshida faoliyat yurituvchi Yengil sanoatni qo‘llab-quvvatlash jamg‘armasi mablag‘lari hisobidan amalga oshiriladi.

Ushbu nizom tadbirkorlik sub’ektlariga soha rivoji uchun muhim bo‘lgan yo‘nalishlarda mablag‘ ajratish mexanizmlarini belgilaydi. Jumladan, xalqaro brendlarni jalb qilish bilan bog‘liq xarajatlarni qoplash jamg‘arma mablag‘lari hisobidan amalga oshiriladi. Bu yordam brend egalari bilan hamkorlikni yo‘lga qo‘yish, sorsing kompaniyalari xizmatlaridan foydalanish, transport va mehmonxona xarajatlari, shuningdek, tarjimonlik xizmatlarini qamrab oladi.

Shu bilan birga, mutaxassislarni o‘qitish maqsadida o‘quv-treninglarida ishtirok etish xarajatlari ham qoplab beriladi. Bu yo‘nalishga trening to‘lovi, transport xarajatlari va mehmonxona sarflari kiradi.

Shuningdek, nizomga muvofiq, moliyaviy yordam olish uchun tadbirkor ariza va zarur hujjatlarni taqdim etadi. Ariza qabul qilingan kundan boshlab 7 ish kuni ichida Yengil sanoatni rivojlantirish agentligi tomonidan ko‘rib chiqiladi. Qaror qabul qilinganidan so‘ng, tadbirkorga bir ish kuni ichida rasmiy xabarnoma yuboriladi.

Teglar

hukumat qarori moliyaviy yordam yengil sanoat

Mavzuga oid

Kecha 14:25

O‘zbekistonda xorijdagi harbiy harakatlarda ishtirok etish bo‘yicha 2022 yildan beri 338 ta jinoyat ishi qo‘zg‘atilgan

2022 yilda xorijdagi harbiy harakatlarda qatnashish bo‘yicha 19 ta jinoyat ishi qo‘zg‘atilgan bo‘lsa, 2023 yilda 68 ta, 2024 yilda 112 ta va 2025 yilda 139 ta holat qayd etilgan.

15.11.2025 | 12:38

Mirziyoyev To‘qayevni orden bilan taqdirladi

Shavkat Mirziyoyev Qosim-Jo‘mart To‘qayevni ikki xalq o‘rtasidagi do‘stlik va yaqin qo‘shnichilikni mustahkamlashdagi ulkan xizmati uchun «Oliy Darajali Do‘stlik» ordeni bilan taqdirladi.

Kecha 18:26

Mashina bozori qulamoqda: faollik 28 foizga pasaydi

Markaziy bankning moliyaviy barqarorlik sharhiga ko‘ra, 2025 yilning birinchi yarim yilligida yengil avtomobillar ishlab chiqarish o‘sishda davom etgan bo‘lsa-da, import hajmlari va ichki oldi-sotdi shartnomalarida keskin pasayish kuzatilgan.

12.11.2025 | 13:55

«Olmaota – Toshkent» poyezdi dekabrdan har kuni qatnaydi

14-dekabrdan boshlab «Olmaota – Toshkent» yo‘nalishidagi «Talgo» poyezdi har kunlik harakat jadvaliga o‘tadi.

17.11.2025 | 18:45

Toshkentda 18-noyabr kuni ayrim ko‘chalarda harakat vaqtincha cheklanadi

Davlat bayrog‘i kuni munosabati bilan «G‘alaba bog‘i»dan «Xalqlar do‘stligi» saroyigacha harbiy marsh o‘tkaziladi. Shu sabab ayrim ko‘chalarda harakat vaqtincha to‘xtatiladi.

17.11.2025 | 23:13

Toshkent viloyati hokimligi Kasaba uyushmalari kunini nishonlashga sal kam 400 mln so‘m ajratdi

250 nafar bayram ishtirokchilariga bayram dasturxoni hamda 25 nafar kasaba uyushma faollarini rag‘batlantirish uchun esdalik sovg‘alariga 325 mln sm ajratilgan.