Европа автомобил бозорида 10 йил ичида энг кўп сотиладиган брендлар қандай ўзгарди?
Автомобил бозори доим ўзгариб туради. Айрим брендлар аста-секин етакчиликни йўқотади, уларнинг ўрнини эса бошқа ишлаб чиқарувчилар эгаллайди. Ушбу материалда 2015-йилда Европа мамлакатларида қайси автомобил брендлари энг кўп сотилгани ва 10 йил ичида харидорларнинг танлови қандай ўзгаргани кўрсатилган.
© Foto: shutterstock2015-йилда Европа автомобил бозорида Германиянинг Volkswagen бренди етакчилик қилган. У 31 та мамлакатнинг 14 тасида энг кўп сотилган автомобил бренди бўлган. Яна 13 та мамлакатда Volkswagen биринчи учта ўриндан бирини эгаллаган. Фақат Эстония, Франция, Болгария ва Венгрияда бу бренд кучли учликка кира олмаган.
2025-йилга келиб, Volkswagen етакчилик мавқеининг бир қисмини йўқотди. Эндиликда у етти мамлакатда биринчи ўринда туради. Яна 14 та мамлакатда эса энг кўп сотилган брендлар орасида иккинчи ёки учинчи ўринни эгаллаган.
Volkswagen ўз мавқеини яхшилаган ягона мамлакат — Буюк Британия. Бу ерда бренд учинчи ўриндан биринчи ўринга кўтарилган. Бироқ унинг бозордаги улуши унчалик катта ошмаган: 2015 йилдаги 8 фоиздан 2025-йилда 9 фоизга етган.
2025-йилда Европада Япониянинг Toyota бренди ҳам ўз мавқеини мустаҳкамлади. 2015-йилда Toyota учта мамлакат — Греция, Эстония ва Исландияда энг кўп сотилган автомобиль бренди бўлган. Яна тўққизта мамлакатда эса иккинчи ёки учинчи ўринни эгаллаган.
2025-йилга келиб, Toyota саккизта мамлакатда биринчи ўринга чиқди. Яна тўққизта мамлакатда иккинчи ёки учинчи ўринни эгаллади.
Масалан, Испанияда Toyota 2015-йилда ҳатто энг кучли учта бренд қаторига ҳам кирмаган. 2025-йилда эса 8 фоиз бозор улуши билан биринчи ўринни эгаллади. Аввалги учликдан Испаниянинг SEAT бренди чиқиб кетди. У 2015-йилда иккинчи ўринда эди.
Чехиянинг Škoda бренди ҳам ўз мавқеини бироз мустаҳкамлади. У Полшада биринчи ўринни Toyota'га бой берган бўлса-да, Чехия ва Словакиядаги етакчилигини сақлаб қолди. Бундан ташқари, Хорватия ва Болгарияда ҳам энг кўп сотилган автомобиль брендига айланди.
Норвегияда эса энг оммабоп автомобил бренди Tesla бўлди. 2025-йилда унинг мамлакат автомобил бозоридаги улуши 19 фоизни ташкил этди. Исландияда Tesla иккинчи ўринни эгаллаб, Kia брендини ортда қолдирди.
Эслатиб ўтамиз, аввалроқ «UzAuto Motors»ни сотиб олишга қизиқayotgan уч давлат номи очиқлангандади.
