Zelenskiy bosh qo‘mondonni almashtirdi

Bugun 09:421 daqiqa

Ukraina prezidenti Volodimir Zelenskiy qurolli kuchlar bosh qo‘mondoni Aleksandr Sirskiyni lavozimidan ozod qildi.

Ukraina prezidenti Volodimir Zelenskiy Ukraina qurolli kuchlari bosh qo‘mondoni Aleksandr Sirskiyni lavozimidan ozod qildi. Davlat rahbari uning o‘rniga Ukraina Qurolli kuchlari Birlashgan kuchlari qo‘mondoni Mixail Drapatiyni tayinladi.

Zelenskiy Sirskiyning nega iste’foga chiqarilganiga izoh bermadi. Shu bilan birga, u sobiq bosh qo‘mondonning urush davomidagi xizmatlarini e’tirof etdi.

«Aleksandr Sirskiy Kiyev mudofaasida, Xarkovga hujum operatsiyasida, Kursk operatsiyasida Ukrainaning natijalarini ta’minlagani faktdir», — dedi Zelenskiy.

Sirskiy 2024 yil fevraldan beri Ukraina Qurolli kuchlariga rahbarlik qilib kelayotgan edi. U bu lavozimda hozirda Ukrainaning Buyuk Britaniyadagi elchisi bo‘lib ishlayotgan Valeriy Zalujniyning o‘rnini egallagan.

Ichkaridan chiqqan tanqidlar

15-iyul kuni Ukraina mudofaa vaziri Mixail Fedorov ham iste’foga chiqqan edi. U 2026-yil yanvaridan buyon ushbu lavozimda ishlab kelgan.

Fedorov iste’fosidan so‘ng Sirskiy bilan jiddiy kelishmovchiliklar bo‘lganini ochiq aytgan va Zelenskiydan uni vazifasidan ozod qilishni so‘raganini ma’lum qilgan. Biroq o‘sha paytda prezident bu taklifni rad etgan.

Fedorovning ta’kidlashicha, harbiy islohotlarga oid tashabbuslar to‘sib qo‘yilgan, Sirskiy esa muammolarni muhokama qilish o‘rniga ichki ziddiyatlarni kuchaytirgan.

Teglar

armiya iste’fo Sirskiy Ukraina Zelenskiy Drapatiy

Mavzuga oid

Kecha 14:25

Qozog‘iston yashirin iqtisodiyotga qarshi 2028-yilgacha mo‘ljallangan rejani tasdiqladi

Hukumat ko‘rsatkichni 13,8 foizga tushirishni rejalashtirmoqda.

Kecha 08:30

AQSH Eronga qarshi urushni kengaytirishi mumkin

«The Washington Post» manbalariga ko‘ra, AQSH Iordaniyada amerikalik harbiylar halok bo‘lganidan keyin Eronga qarshi harbiy amaliyotlarni kengaytirishni ko‘rib chiqmoqda.

20.07.2026 | 22:14

Yaman xusiylari Saudiya Arabistoniga qarshi dengiz qamalini e’lon qildi

U AQSH va Eron o‘rtasidagi urushda yangi front ochdi. Bu harakat global energiya ta’minoti va xalqaro savdoga bo‘lgan tahdid ko‘lamini Fors ko‘rfazidan tashqariga kengaytirib, jahon iqtisodiyotiga jiddiy xavf tug‘diradi.

19.07.2026 | 13:55

Xalqaro kimyo olimpiadasida o‘zbekistonlik o‘quvchilar 4 ta medal oldi

Ularga beriladigan mukofot puli umumiy hisobda 2 milliard 884 million so‘mni tashkil etadi. Ustozlariga esa 494,4 million so‘m beriladi.

Kecha 11:55

Yo‘l qurilishida laboratoriya nazorati bo‘yicha yangi tartib joriy etildi

Avtomobil yo‘llarini qurish va ta’mirlashda laboratoriya sinovlarini o‘tkazishning yagona tartibi tasdiqlandi. Yangi talablar ish sifati nazoratini kuchaytirishga qaratilgan.

20.07.2026 | 14:26

2026/27 o‘quv yili uchun davlat stipendiyalari kvotasi tasdiqlandi

Yangi o‘quv yilida O‘zbekiston oliy ta’lim muassasalari talabalari uchun jami 776 ta Prezident va nomli davlat stipendiyasi ajratiladi. Bu yil stipendiya tanlovida yangi baholash tartibi ham joriy etiladi.