Apple Nvidia'ni ortda qoldirib, dunyoning eng qimmat kompaniyasiga aylandi

Бугун 09:002 дақиқа

Sun’iy intellektga tikilayotgan katta mablag‘lar kutilgan natijani bermasligi xavfi bor. Shu bois investorlar SI uchun xarajatlarni tejab kelayotgan Apple kompaniyasini eng ishonchli tanlov sifatida ko‘rmoqda.

Apple Inc. kompaniyasi bozor qiymati bo‘yicha Nvidia Corp.'ni ortda qoldirdi va dunyoning eng qimmat kompaniyasi maqomini o‘ziga qaytardi. Bu haqda Bloomberg nashri xabar bermoqda.

Ma’lumotlarga ko‘ra, investorlar sun’iy intellekt (SI) loyihalariga tikilayotgan milliardlar o‘zini oqlamasligidan xavotirga tushmoqda. Shu sababli ular iPhone ishlab chiqaruvchisini xavfsizroq sarmoya manbai deb hisoblamoqda.

30-oktabr kungi savdolar natijasida Apple aksiyalari 1,2 foizga pasayib, bozor kapitalizatsiyasi 5,03 trillion dollarni tashkil etdi. Ayni paytda Nvidia aksiyalari ham 4,2 foizga arzonlashdi va kompaniyaning umumiy qiymati 4,93 trillion dollarga tushib qoldi. Natijada, 2026 yilning iyul oyidan buyon birinchi marta Apple yana Nvidia'dan o‘zib ketdi.

Ushbu o‘zgarishlar yirik texnologiya gigantlari, jumladan, Intel, Amazon, Alphabet va Meta Platforms kabi kompaniyalarning moliyaviy hisobotlari investorlarning hafsalasini pir qilgan bir paytda yuz bermoqda. Bu hisobotlar sun’iy intellektga sarflanayotgan mablag‘larning istiqboli borasidagi xavotirlarni yanada kuchaytirdi. Apple esa bunday katta xarajatlardan o‘zini tiyib kelayotgan edi.

Eslatib o‘tamiz, avvalroq Apple kompaniyasi M6 chipi va macOS 27 operatsion tizimi bilan ishlaydigan yangi 14 dyuymli MacBook Pro hamda 24 dyuymli iMac komputerlarini namoyish etgandi. Yangi qurilmalarning AQSHdagi boshlang‘ich narxi 1 499 va 1 999 dollardan boshlanadi.

Теглар

sun’iy intellekt Apple aksiyalar Nvidia texnologiya

Мавзуга оид

29.10.2026 | 12:45

«Paynet» to‘qqiz oy ichida qariyb 65 mln dollar sof foyda oldi

2026-yilning yanvar-sentabr oylarida kompaniyaning sof foydasi 2,4 barobarga oshib, 780 milliard so‘mga yetdi.

29.10.2026 | 11:15

«Uklon» taksi xizmati O‘zbekistonda ustun mavqega ega raqamli platforma deb topildi

Ustun mavqega ega bo‘lgan korxonalar o‘z xohishiga ko‘ra raqobatchilardan mustaqil ravishda bozor qoidalarini, narxlarni va shartlarni o‘zgartirish hamda boshqa kompaniyalarning bozorga kirishiga yoki erkin faoliyat yuritishiga to‘sqinlik qila olishi mumkin.

29.10.2026 | 17:18

«Ford» kompaniyasining foydasi xomashyo narxlari oshishiga qaramay ko‘paydi

Dunyodagi avtomobil ishlab chiqaruvchilar xomashyo va ehtiyot qismlar narxining oshishi sababli xarajatlar bosimiga duch kelmoqda. Shunday sharoitda «Ford» ham moliyaviy natijalari va kelgusi yil rejalari bilan e’tibor markaziga tushdi.

29.10.2026 | 20:12

«Google» va «Apple» dasturchilarni o‘z to‘lov tizimlariga bog‘lab qo‘ygani uchun jazolandi

Janubiy Koreya «Google» va «Apple» kompaniyalariga ilova to‘lovlari bilan bog‘liq qoidabuzarliklar uchun jami 47,5 million dollarga yaqin jarima soldi. Regulyator ikki kompaniyani dasturchilarni o‘z to‘lov tizimlaridan foydalanishga undash, tashqi to‘lovlarga to‘siq qo‘yish va ilovalarni tekshirish jarayonini asossiz kechiktirishda aybladi.

28.10.2026 | 19:29

«Apple» yangi «MacBook Pro» va «iMac»ni taqdim etdi

«Apple» kompaniyasi M6 chipi va macOS 27 operatsion tizimi bilan ishlaydigan yangi 14 dyuymli «MacBook Pro» hamda 24 dyuymli «iMac» komputerlarini namoyish etdi. Yangi qurilmalarning AQSHdagi boshlang‘ich narxi 1 499 va 1 999 dollardan boshlanadi.

29.10.2026 | 21:24

Davlatga beg‘araz berilishi aytilgan «Hilton» Ortiqxo‘jayevlar oilasining AQSHdagi kapitaliga aylandi

Toshkent sobiq hokimining biznesi Amerika fond bozoriga chiqqan birinchi o‘zbek kompaniyasi bo‘ldi. Biroq AQSHda aksiyalari savdo qilinadigan kompaniyalar o‘z moliyaviy faoliyati, qarzlari va mulkdorlari haqida batafsil ma’lumotlarni oshkor qilishi kerak. «Hilton Tashkent»ga egalik qiluvchi «AKFA Dream World» bir necha yil barcha turdagi soliqlardan, jumladan QQS va foyda solig‘idan ozod qilingan.